 |
|
მიხეილ ჯაში მედიცინის მეცნიერებათა დოქტორი, თბილისის სახელმწიფო სამედიცინო უნივერსიტეტის ყელ-ყურ-ცხვირის სნეულებათა დეპარტამენტის ასოცირებული პროფესორი.
მიხეილ ჯაში დაიბადა 1964 წელს. 1987 წელს დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი. 1994 წელს დაამთავრა თსსუ ყელ-ყურ-ცხვირის სნეულებათა კათედრის ასპირანტურა. 1995 წელს დაიცვა საკანდიდატო დისერტაცია თემაზე: “HLA-ანტიგენთა განაწილების თავისებურებანი ქრონიკული რინოსინუსოპათიების პოლიპოზური ფორმის დროს ქართულ პოპულაციაში“. 1995-2002 წწ. მუშაობდა ასისტენტად თსსუ ყელ-ყურ-ცხვირის სნეულებათა კათედრაზე, 2002-2006 წწ. - დოცენტად ამავე კათედრაზე, ხოლო 2006 წლიდან იგი თსსუ ყელ-ყურ-ცხვირის სნეულებათა დეპარტამენტის ასოცირებული პროფესორია. მიხეილ ჯაში არის 16 სამეცნიერო შრომის და 1 გამოგონების ავტორი. 2001 წლიდან იგი არის ამერიკის ოტოლარინგოლოგიის და თავისა და კისრის ქირურგიის აკადემიის წევრი. |
