 |
|
რევაზ სიგუა მედიცინის მეცნიერებათა დოქტორი, პროფესორი, თბილისის სახელმწიფო სამედიცინო უნივერსიტეტის კლინიკის ნერვულ სნეულებათა დეპარტამენტის კონსულტანტი.
რევაზ სიგუა დაიბადა 1925 წელს. 1951 წელს წარჩინებით დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი. 1966 წელს დაიცვა საკანდიდატო დისერტაცია - “ზურგის ტვინის გარსების ქრონიკული ანთებითი დაავადებები”. 1951 წლიდან დღემდე რევაზ სიგუა მუშაობს ნ.ყიფშიძის სახ. ცენტრალური საუნივერსიტეტო კლინიკის (რესპუბლიკური საავადმყოფო) ნერვულ სნეულებათა დეპარტამენტში ჯერ ექიმ-ნევროპათოლოგად, კლინიკურ ორდინატორად, შემდეგ ნერვულ სნეულებათა კათედრის ასისტენტად, დოცენტად და ბოლოს პროფესორად. რევაზ სიგუა არის ავტორი 3 მონოგრაფიის, 4 სახელმძღვანელოს (კლინიკური ნევროლოგია) და 164 სამეცნიერო ნაშრომის (სისხლძარღვოვანი დაავადებები, ნეიროინფექციები, ნეიროგენეტიკური პათოლოგია, ტკივილით მიმდინარე სინდრომები, ნერვული სისტემის ქრონიკული დაავადებები). რევაზ სიგუა არის თბილისის ნევროლოგთა ასოციაციის წევრი. |
