თბილისის სახელმწიფო სამედიცინო უნივერსიტეტის ხელმძღვანელობით, აკადემიური და ტექნიკური პერსონალის ძალისხმევით 2015 წლის 25 მარტს დაარსდა თბილისის სახელმწიფო სამედიცინო უნივერსიტეტის მაღალტექნოლოგიური და მრავალპროფილიანი პირველი საუნივერსიტეტო კლინიკა, სადაც პაციენტის დიაგნოსტირება  და მკურნალობა მთლიანად დაფუძნებულია მტკიცებითი მედიცინაზე და სრულად შეესაბამება მსოფლიოს განვითარებული ქვეყნების სტანდარტებს.
თსსუ პირველ საუნივერსიტეტო კლინიკის მთავარ პრიორიტეტს წარმოადგენს თბილისის სახელმწიფო სამედიცინო უნივერსიტეტის სტუდენტთა სწავლის დონის ამაღლება, პრაქტიკული უნარ-ჩვევების შესწავლა. კლინიკა სრულად არის ადაპტირებული სასწავლო მიზნებისთვის.
კლინიკაში ფუნქციონირებს 8 საოპერაციო დარბაზი, რომელიც სრულადაა აღჭურვილი ულტრათანამედროვე აპარატურითა და ენდოსკოპიური ქირურგიისთვის განკუთვნილი აუცილებელი ტექნიკით.
ერთ მთლიანობაში კლინიკა გაშლილია 185 საწოლზე და მუშაობს 24/7 რეჟიმში.