მრავალპროფილიანი სამედიცინო ცენტრი 24 საათიანი გადაუდებელი დახმარებით და 24 საათიანი ამბულატორიული მომსახურებით. კლინიკა უზრუნველყოფს პაციენტების თანამედროვე სტანდარტების შესაბამის სერვისს ამბულატორიულ და სტაციონარულ პირობებში. მაღალკვალიფიციურ დონეზე სრულდება ყველა სახის გადაუდებელი და გეგმიური ქირურგიული ოპერაციები, მათ შორის ყბა-სახის და  თვალის პათოლოგიების დროს.
თანამედროვე აპარატურით აღჭურვილი რეანიმაციული სამსახური მძიმე პაციენტების სასიცოცხლო პარამეტრების მუდმივი მონიტორინგის საშუალებას იძლევა.
კლინიკა ონლაინ რეჟიმში თანამშრომლობს უცხოეთის სხვადასხვა პროფილის წამყვან სპეციალისტებთან, რომლებიც საჭიროების შემთხვევაში აქტიურად ერთვებიან პრობლემური პაციენტების მართვაში.
კლინიკაში ფუნქციონირებს ტერფის კომპიუტერული დიაგნოსტიკა, პროფილაქტიკური აცრების და ფიზიოთერაპიის კაბინეტები, დიაბეტის სკოლა.
უახლესი აპარატურით აღჭურვილი კლინიკო-დიაგნოსტიკური ლაბორატორია უზრუნველყოფს ლაბორატორიული ტესტების და ულტრასონოგრაფიული, ექოკარდიოგრაფიული, რადიოლოგიური, ენდოსკოპიური კვლევების ჩატარებას.