ვაშლის დიეტა

ზღაპრებში ვაშლების გამაახალგაზრდავებელ უნარზე უსაფუძვლოდ არ წერენ. ვაშლი ძალზე ძვირფასი პროდუქტია. ის შეიცავს თითქმის ყველა ვიტამინსა და მინერალურ ნივთიერებას, ასევე ფოლის მჟავას, შაქარს, პექტინებს. «ყოველდღე ერთი ვაშლის მიღებით დაზოგავ ექიმის გასამრჯელოს» - ამბობენ ინგლისელები.
ვაშლის დიეტის დახმარებით შესაძლებელი ხდება ნივთიერებათა ცვლის კორექტირება, ჭარბ წონასთან ბრძოლა. მაგრამ უნდა გვახსოვდეს, რომ ის არა არის პანაცეა: დიეტის შემდეგ ისევ ცხოვრების ჩვეული წესისადმი და ძველი რაციონისადმი მიბრუნება გამოიწვევს დაკლებული წონის კვლავ მომატებას.
როგორც ყველა სხვა დიეტა (მაწვნის, ბრინჯის, ბოსტნეულის, ხაჭოს, თევზის), ვაშლის დიეტაც კარგია მხოლოდ როგორც გაჯანსაღების ძირითადი მეთოდის დამატებითი ღონისძიება.
ყველაზე კარგია ვაშლით განტვირთვის დღის მოწყობა. წონის დაკლების მიზნით «ვაშლის დღის» მოწყობა სასურველია კვირაში 1-2-ჯერ, ხოლო პროფილაქტიკის მიზნით - საკმარისია თვეში ერთხელ. ეს დიეტა ძალზე ეფექტურია ათეროსკლეროზის პროფილაქტიკისათვის და სასარგებლოა ჰიპერტონიით დაავადებულთათვის.
არსებობს ვაშლის დიეტის რამდენიმე ვარიანტი:
- დღის განმავლობაში უნდა მიირთვათ მხოლოდ ვაშლი, რამდენსაც შესძლებთ. ამასთან, აუცილებელია ბევრი სითხის მიღება. ყველაზე ოპტიმალურია - დასამშვიდებელი ნაყენი ბალახებისაგან;
- დღის განმავლობაში - 1,5კგ. ახალი ვაშლი და არავითარი სითხე. ვაშლის წვენი საკმარისია. მოყვარულებმა შეიძლება მიირთვან ჰაერღუმელში შემწვარი ვაშლები. სხვაობა თითქმის არ არსებობს;
- ძალზე პოპულარულია კეფირისა და ვაშლის დიეტა: 1 ვაშლი 1/2 ჭიქა კეფირთან ერთად 5-6-ჯერ დღეში. ამ დიეტას ხშირად სთავაზობენ ფეხმძიმეებს ტოქსიკოზის დროს;
- ჭარბ წონასთან და საჭმლის მომნელებელ ორგანოებთან დაკავშირებული პრობლემების შემთხვევაში მიზანშეწონილია შემდეგი დიეტა:
I დღე - 1კგ ვაშლი
II დღე - 1,5 კგ ვაშლი
III დღე - 2კგ ვაშლი
IV დღე - 2 კგ ვაშლი
V დღე - 1,5 კგ ვაშლი
VI დღე - 1 კგ ვაშლი
შეიძლება ჩაის მიღება, სასურველია მწვანე ჩაი და შავი პურის ორცხობილები.

რჩევები:
შეკრულობის დროს ყოველ დილით, უზმოზე მიიღეთ 2-3 ვაშლი ერთი თვის განმავლობაში;
ნაწლავებთან დაკავშირებული პრობლემების, შემთხვევაში ყოველდღე მიირთვით ერთი ვაშლი და მოაწყვეთ «ვაშლის დღეები». ვაშლში არის სპეციალური ნივთიერება, რომელიც თრგუნავს ღვიძლისა და ნაწლავების კიბოს გამომწვევ ავთვისებიან უჯრედებს;
საჭიროა შესაბამისი ვაშლის ჯიშების შერჩევა. მაგალითად, კუჭის წყლულის დროს უკუნაჩვენებია მჟავე ვაშლი, სამაგიეროდ სასარგებლოა ტკბილი ან შემწვარი ვაშლი. დაბალი მჟავიანობის გასტრიტის დროს მართებულია მჟავე ჯიშის ვაშლის მოხმარება. ვაშლის სწრაფი შეთვისების მიზნით უმჯობესია მათი გახეხვა.

мedicus.ru