ამერიკელმა მეცნიერებმა შეიმუშავეს ანტისხეულები, რომლებიც აივ შტამების 99% -მდე განადგურებას და ინფექციის ადრეულ სტადიაზე შეჩერებას იწვევს.
ნაერთი ვირუსის სამ საკვანძო კომპონენტზე მოქმედებს. ამერიკის შეერთებული შტატების ჯანდაცვის ეროვნული ინსტიტუტისა და ფარმაცევტული კომპანია „სანოფის“ მიერ შემუშავებულ ამ სიახლეს აივ ინფექციასთან ბრძოლის საერთაშორისო საზოგადოებამ (IAS) "საინტერესო გარღვევა" უწოდა. ნაერთის კლინიკური კვლევები 2018 წელს დაიწყება.
როგორც ცნობილია, ყველაზე ძლიერ ბუნებრივ ანტისხეულებს აივ შტამების მხოლოდ  90%-ის განადგურება შეუძლია.
"ჩვენ მივაღწიეთ 99%-მდე მოცვას და ეს მიღწეულია ანტისხეულების ძალიან დაბალი კონცენტრაციით", - აღნიშნავს კვლევის ერთ-ერთი ავტორი გერი ნეუბელი. ექსპერიმენტების შედეგების მიხედვით, ინფექცია არც ერთ ცხოველს არ განუვითარდა  აივ ვირუსის შეყვანის შემდეგ.