მეცნიერები მივიდნენ დასკვნამდე, რომ წითელი ღვინის მოხმარება ადამიანებს უჯრედული დაბერებისგან იცავს.
პოლიფენოლებით და ბუნებრივი ანტიოქსიდანტებით მდიდარი წითელი ღვინის გამოყენება ხელს უშლის დაბერების პროცესს, რომელიც სისხლძარღვთა ფუნქციის დარღვევასთანაა დაკავშირებული. ბოსტონის უნივერსიტეტის (აშშ) მეცნიერებმა შეამოწმეს სისხლძარღვების ენდოთელიუმის ფუნქცია და ენდოთელური უჯრედების ფუნქციონირება ლაბორატორიულ ცხოველებში, რომლებიც წითელი ღვინის პოლიფენოლებს იღებდნენ.
აღსანიშნავია, რომ ეს ნივთიერებები ენდოთელურ დისფუნქციას აუმჯობესებენ, იწვევენ ჟანგვითი სტრესის და სხვადასხვა ცილების აქტივობის ნორმალიზებას, ასევე, ორგანიზმის ფიზიკური შესაძლებლობების სრულყოფას. ამრიგად, კლინიცისტებმა დაასკვნეს, რომ პოლიფენოლებით მდიდარი წითელი ღვინის მოხმარება ორგანიზმს უჯრედული დაბერებისაგან იცავს ენდოთელურ დისფუნქციასა და ფიზიკურ შრომისუნარიანობაზე მოქმედების შედეგად.
სავარაუდოდ, პოლიფენოლები განსაკუთრებულ ფერმენტებთან ურთიერთქმედებენ, ანელებენ რა ენდოთელურ დისფუნქციას, რაც, ბუნებრივად, შინაგანი დაბერების პროცესების გამო მიმდინარეობს. დიდი ალბათობით, ექსპერტთა თქმით, ეს არტერიების კედლებში ჭარბი ჟანგვითი სტრესის შემცირების ხარჯზე ხდება.
