მეცნიერთა თქმით, ყოველდღიურად 130 გრამი ლობიოს, ბარდას, მუხუდოს ან ოსპის მიღებას წონის მკვდარი წერტილიდან დაძვრა შეუძლია. ამავე დროს, არ არის საჭირო რაციონის დანარჩენი ნაწილის შეცვლა, იტყობინება The Herald Sun.

ექსპერტები ამ დასკვნამდე 940 მამაკაცისა და ქალის მონაწილეობით წარმოებული 21 კლინიკური კვლევის შედეგების გაანალიზების საფუძველზე მივიდნენ. აღმოჩნდა, რომ როდესაც რაციონში პარკოსნების პორციის დამატება ხდებოდა ადამიანები ექვსი კვირის მანძილზე საშუალოდ 0.34 კილოგრამს იკლებდნენ. წონისკლება მცირე იყო, მაგრამ შედეგი - შთამბეჭდავი, იმის გათვალისწინებით, რომ მთლიანობაში ადამიანების ცხოვრების წესი და რაციონი არ იცვლებოდა.

ადრე დადგენილი იყო, რომ პარკოსნების მოხმარება დანაყრების შეგრძნებას 31% -ით ზრდიდა. გარდა ამისა, პარკოსნები სასარგებლოა გულისთვის, რადგან "მავნე" ქოლესტერინის (დაბალი სიმკვრივის ლიპოპროტეინები) დონეს აქვეითებს. მათ გლიკემიური ინდექსის დაბალი დონე აღენიშნებათ, რაც იმას ნიშნავს, რომ მათი მონელების პროცესი ნელა მიმდინარეობს და არ იწვევს ინსულინის მკვეთრ გადმოტყორცნას, რაც ჩვეულებრივ, დიაბეტის განვითარებასა და წონის მატებასუკავშირდება და მოსალოდნელია თეთრი ბრინჯისა და თეთრი პურის მოხმარების შემთხვევაში.