აივ-ინფექციასთან დაკავშირებით სერიოზულ პრობლემას წარმოადგენს ის ფაქტი, რომ ვირუსს შეუძლია ფარული რეზერვუარების ფორმირება, რომელიც შეუმჩნეველია იმუნური სისტემისთვის. სპეციალისტებმა შეიმუშავეს მექანიზმი, რომელიც ავლენს ვირუსით დაინვაზირებულ უჯრედებს და ანადგურებს ვირუსს დნმ-ზე წერტილოვანი ზემოქმედებით. ამის შესახებ ნაშრომი გამოქვეყნებულია ჟურნალში Nature Communications.
მეცნიერებმა დააპროგრამირეს ბაქტერიული CRISPR ჯგუფები, რათა მათ ამოეცნოთ და გაენადგურებინათ ორგანიზმის ვირუსით დაინვაზირებული უჯრედები. CRISPR არის უნიკალური განმეორებითი დუპლიკაციების შემცველი დნმ-ის მქონე ბაქტერიების და არქეის (ერთუჯრედიანი უბირთვო მიკროორგანიზმი) ჯგუფები, რომელიც განსაზღვრულ გენებთან ერთად იცავს უჯრედებს უცხო გენეტიკური ელემენტებისაგან.
დააპროგრამირებულ CRISPR ჯგუფებს შეეძლოთ აივ-ვირუსიანი არააქტიური უჯრედების გამოვლენაც. სწორედ ასეთი უჯრედებით ხდება რეზერვუარების ფორმირება, რომლებმაც შეიძლება საკმაოდ ხარგრძლივი დროის შემდეგ „გაიღვიძონ“. როგორც ექსპერიმენტმა აჩვენა, CRISPR ჯგუფები ავლენდნენ აივ-ვირუსით დაინვაზირებული უჯრედების 72%-ს.
მეცნიერები აცხადებენ, რომ მათი მიღწევები შეიძლება ნამდვილი გარღვევის საფუძველი გახდეს აივ-ინფექციასთან ბრძოლაში.