აივ პრევენცია არანაკლებ მნიშვნელოვანია, ვიდრე მისი მკურნალობა და კონტროლი. ამერიკელმა მეცნიერებმა სკრიფსის კვლევითი ინსტიტუტიდან შეიმუშავეს მეთოდი, რომელიც მაკაკებს აივ-ინფექციის ცხოველური ვერსიისაგან იცავს. ექსპერიმენტული საშუალება (აქტიური მოლეკულა) ვირუსისაგან დაცვას 34 კვირის განმავლობაში უზრუნველყოფს, იუწყება ABC News.
საქმე იმაშია, რომ ვირუსი ფლობს მექანიზმს, რომლის საშუალებითაც იგი უკავშირდება სხეულის უჯრედებს. ეს მექანიზმი მუშაობს მხოლოდ ერჯერადად. თუკი შეკავშირება უკვე განხორციელებულია ვირუსი ადგილს ვეღარ პოულობს. აქედან გამომდინარე, მეცნიერებმა შექმნეს იმ ორი მოლეკულის ხელოვნური ვერსია, რომელსაც ვირუსი უჯრედში შეღწევისთვის იყენებს. მოლეკულების შერევის საფუძველზე მიიღეს ახალი ძლიერი ელემენტი, რომელიც უკავშირდება აივ-ვირუსის ზედაპირზე არსებულ იმ ცილას, რომელიც აუცილებელია ვირუსის მიერ უჯრედში ჩანერგვისთვის.
შედეგად, ვირუსი იმის ნაცვლად, რომ მიებას უჯრედების ზედაპირზე არსებულ ბუნებრივ მოლეკულებს, უკავშირდება მათ სინთეზურ შემცვლელებს, რითაც უჯრედებში მოხვედრა აღკვეთილია. ჯერ-ჯერობით კვლევა განხორციელებულია მხოლოდ მაიმუნის იმუნოდეფიციტურ ვირუსზე. მკვლევარები თვლიან, რომ ეს მეთოდი ასევე იმუშავებს ადამიანის იმუნოდეფიციტური ვირუსის შემთხვევაშიც.
