გრანადის უნივერსიტეტის მკვლევარებმა წვენებში ანტიოქსიდანტების რაოდენობის გასაზომად ახალი კრიტერიუმი გამოიყენეს - გლობალური ანტიოქსიდანტური პასუხი. როგორც ცნობილია, ანტიოქსიდანტებით მდიდარი საკვები ორგანიზმს სახიფათო თავისუფალი რადიკალებისაგან ათავისუფლებს.

ახალი მეთოდი საშუალებას იძლევა შევაფასოთ სხვადასხვა ფიზიკური და ქიმიური პარამეტრი, როგორიცაა ფერი, ფლუორესცენცია და კავშირი გასაანალიზებელი მაჩვენებლებისა და ზოგიერთი ნაერთის, როგორიცაა ფურფუროლა, დონეებს შორის. მეცნიერებმა გაზომეს  ანტიოქსიდანტების დონე ფორთოხლის, მანდარინის, ლიმონის და გრეიფრუტის წვენში. ციტრუსების წვენში ანტიოქსიდანტების შემცველობა 10-ჯერ მეტი აღმოჩნდა, ვიდრე ადრე ფიქრობდნენ.

გარდა ამისა, ახალი მეთოდის საფუძველზე შეიქმნა მათემატიკური მოდელი წვენების კლასიფიკაციისთვის. მისი დახმარებით შესაძლებელია დადგინდეს რამდენად ხარისხიანი იყო მწარმოებლის მიერ გამოყენებული ნედლეული და სწორად მიმდინარეობდა თუ არა სტერილიზაციისა და პასტერიზაციის პროცესი.

მეცნიერები მიიჩნევენ, რომ აუცილებელია ჩატარდეს ახალი კვლევები ანტიოქსიდანტების შემცველობის სხვა პროდუქტებშიც დასადგენად, რადგან სავარაუდოა, რომ მათი სარგებლობა სათანადოდ არ არის შეფასებული.