ცნობილია, რომ ასთმისგან  განკურნება არ შეიძლება, თუმცა შესაძლებელია მისი კონტროლი მედიკამენტების დახმარებით, შეტევის მაპროვოცირებელი ალერგენებისა და სხვა ნივთიერებების თავიდან აცილებით. ახალი კვლევებით თელ-ავივის უნივერსიტეტის მკვლევარებმა აღმოაჩინეს მარტივი გზა ასთმის შეტევების წინააღმდეგ, იუწყება The Hindustan Times.

მეცნიერებმა 307900 ადამიანის ორგანიზმში D ვიტამინის დონე განსაზღვრეს. მათ გაითვალისწინეს ასთმის ძირითადი რისკ-ფაქტორები (სიმსუქნე, მოწევა და სხვა ქრონიკული დაავადებების თანხლება). აღმოჩნდა, რომ ასთმიანი პაციენტების 25%-ს, რომელთაც D ვიტამინის დეფიციტი აღენიშნებოდათ, შეტევები უფრო ხშირად ემართებოდათ.

მკვლევართა რეკომენდაციით, ასთმის მქონე პაციენტებმა, განსაკუთრებით, რომლებიც ძნელად ექვემდებარებიან მკურნალობას, უნდა ჩაიტარონ ორგანიზმში D ვიტამინის რაოდენობის განმსაზღვრელი ანალიზი. სავარაუდოდ, D ვიტამინის დეფიციტის შემთხვევაში შეტევების სიხშირის შემცირება შესაძლებელი გახდება სპეციალური დანამატების დახმარებით.