ყოველდღიურად ერთი ბოკალი ნებისმიერი ღვინის მიღება ორგანიზმს თირკმლების დაავადებებისაგან დაიცავს, ხოლო  თირკმლის დაავადებების არსებობის შემთხვევაში - გადაარჩენს გული, წერს New Zealand Herald კოლორადო-დენვერის უნივერსიტეტის კვლევის საფუძველზე. დადგინდა, რომ ყოველდღიურად ერთი ბოკალი ღვინის მოხმარება 37%-ით ამცირებს თირკმლის ქრონიკული დაავადების  მაჩვენებლებს იმ ადამიანებთან შედარებით, რომლებიც  ღვინოს საერთოდ არ სვამენ, ხოლო თირკმლების დაავადებების მქონე პაციენტებში 29%-ით ამცირებს გულის დაავადების განვითარების რისკს.

დოქტორი ტაპან მეჰტა ამბობს: "სტატისტიკამ, რომელიც განხორციელდა 2003-2006 წლებში 5852 ადამიანზე, რომელთაგან 1031-ს ჰქონდა თირკმლის ქრონიკული დაავადება, ღვინის პოზიტიური ეფექტი გამოავლინა. ფაქტობრივად, მეცნიერები ადრეც ურჩევდნენ ქალებს, რომ ყოველდღიურად მიეღოთ ერთი ბოკალი წითელი ღვინო, ხოლო მამაკაცებს - 2  ბოკალამდე ღვინო გულის ჯანმრთელობის შენაჩუნების მიზნით. "

ღვინის სარგებლიანობა მასში არსებული სპირტითა და ანტიოქსიდანტებითაა განპირობებული. ზოგადად, ღვინო ხელს უწყობს დაბალი სიმკვრივის ლიპოპროტეინების ("კარგი ქოლესტერინის") დონის მატებას, რითაც იცავს არტერიებს დაზიანებისგან. უკანასკნელი კვლევის ფარგლებში ზღვარი არ ტარდებოდა წითელსა და თეთრ ღვინოს შორის.

აქვე უნდა აღინიშნოს, რომ ღვინის გადაჭარბებული მოხმარება წნევის მატებას იწვევს, რაც ხელს უწყობს თირკმლის ქრონიკული დაავადებების განვითარებას.