სხვადასხვა ტიპის ჩაის სარგებლიანობას მრავალრიცხოვანი კვლევები ადასტურებს, თუმცა, თითოეული ტიპი განსხვავებულად მოქმედებს ადამიანზე.
მწვანე ჩაი შეიცავს დიდი რაოდენობით გალატ ეპიგალოკატეხინს ( EGCG ). ეს ნივთიერება ხელს უწყობს მთელი რიგი დაავადებების პროფილაქტიკას, მათ შორისაა,  სხვადასხვა ტიპი კიბო (შარდის ბუშტის, ძუძუს , ფილტვის, კუჭის ) და ასევე, ალცჰეიმერის დაავადება. გარდა ამისა, ის ეხმარება ორგანიზმს  სტრესის შემცირებასა და ცხიმის წვაში. სწორედ ამიტომ მწვანე ჩაი ითვლება საუკეთესოდ წონის დაკლებისას , წერს The Times of India.
მსოფლიოში ყველაზე პოპულარული შავი ჩაი შეიცავს დიდი რაოდენობით კოფეინს. სხვადასხვა კვლევებმა აჩვენა, რომ ამ სახის ჩაი ამცირებს  ინსულტის განვითარების რისკს, ასევე ეფექტურია  მწეველთა ფილტვების  ტოქსინებისგან გასათავისუფლებლად.
კიდევ ერთი "დიეტური" ჩაი - ჩინური ულუნი - ხელს უწყობს ტრიგლიცერიდების გამოყვანას და ამიტომ ასევე კარგი დამხმარე საშუალებაა წონის დასაკლებად.
თეთრი ჩაი მიეკუთვნება ჩაის იმ ტიპს, რომელიც გაივლის მინიმალურ დამუშავებს და ამიტომ მას აღენიშნება ანტიოქსიდანტების მაღალი შემცველობა. ისინი აღკვეთენ თავისუფალი რადიკალების მიერ უჯრედების დაზიანებას. ამის გამო თეთრი ჩაის რეგულარული მოხმარება   კიბოს განვითარების რისკს ამცირებს. გარდა ამისა, იგი სისხლის წნევის ნორმალიზებასა და ქოლესტერინის დონის შემცირებას უწყობს ხელს.
ჩაი პუერი, ასევე, სასარგებლოა ქოლესტერინთან დაკავშირებული პრობლემების შემთხვევაში. გარდა ამისა, იგი სასიკეთოდ მოქმედებს ფსიქიკურ ჯანმრთელობაზე.
მცენარეული ჩაი  გამხმარი ხილის, ყვავილებისა და მცენარეების კომბინაციას წარმოადგენს და  შემადგენლობის მიხედვით აქვს განსხვავებული თვისებები - ძილის გაუმჯობესებიდან  ჰიპერტენზიის მკურნალობამდე.