ტეხასის უნივერსიტეტის მეცნიერები ამტკიცებენ, რომ ბაქტერიებს აივ-ინფექციის კონტროლი შეუძლიათ. მათ აღმოაჩინეს სასარგებლო ბაქტერიები, რომლებიც ეწინააღმდეგებიან აივ-ინფექციითა და სხვა სქესობრივი გზით გადამდები დაავადებებით დაინვაზირებას ქალებში, იტყობინება The Times of India.
ეს ბაქტერიები აღმოაჩინეს მას შემდეგ, რაც მეცნიერებმა საშოს კედლის უჯრედები ლაბორატორიულ პირობებში გამოზარდეს. სპეციალისტებმა შეამოწმეს, თუ როგორ მოქმედებს უჯრედებზე სხვადასხვა ბაქტერია. ცნობილია, რომ სქესობრივი ჯანმრთელობა საშოში არსებულ მიკროფლორაზეა დამოკიდებული. იდეალურ შემთხვევაში იქ უნდა იყვნენ სასარგებლო ბაქტერიები, რომლებიც იკვებებიან საშოს უჯრედების მიერ წარმოებული პროდუქტებით.
ეს ბაქტერიები წარმოქმნიან ფიზიკურ და ქიმიურ ბარიერს ერთი მხრივ, საშოსა და მეორე მხრივ, ბაქტერია-პათოგენებს/ვირუსებს შორის. კერძოდ, ზოგიერთ ბაქტერიას შეუძლია ხელი შეუშალოს ადამიანის აივ-ვირუსით ინფიცირებას და მის გამრავლებას სხეულში. მაგალითად, საზიანო ბაქტერიები, რომლებიც კავშირშია ბაქტერიულ ვაგინოზთან, ამცირებენ აივ-ინფექციის საწინააღმდეგო ერთ-ერთი ყველაზე გავრცელებული წამლის ანტივირუსულ აქტივობას. ხოლო საშოს კედლებზე სასარგებლო ბაქტერიების არსებობისას ანტივირუსული პრეპარატის მოქმედებით გაცილებით ნაკლები აივ-ვირუსი ვლინდებოდა, ვიდრე მხოლოდ პრეპარატების გამოყენებისას.
