С ვიტამინით მდიდარი საკვების (ფორთოხალი, პაპაია, წიწაკა, ბროკოლი, მარწყვი) გამოყენებას ინსულტის განვითარების რისკის შემცირება შეუძლია, წერს Xinhua. ეს დაამტკიცა ექსპერიმენტმა, რომელიც ჩატარდა 65 მოხალისეზე, რომელთაც გადატანილი ჰქონდათ ჰემორაგიული ინსულტი და 65 ჯანმრთელ ადამიანზე (საკონტროლო ჯგუფი). ჰემორაგიული ინსულტი უფრო ნაკლებად გავრცელებულია, ვიდრე იშემიური, თუმცა უფრო სახიფათოა ამ უკანასკნელთან შედარებით.

სპეციალისტები მონაწილეების სისხლში С ვიტამინის დონეს საზღვრავდნენ. მთლიანობაში ვიტამინის ნორმალური კონცენტრაცია დაფიქსირდა კვლევის მონაწილეთა 41%-ში, დაქვეითებული კონცენტრაცია - 45%-ში, ხოლო დეფიციტი - 14%-ში. საშუალოდ, ადამიანებს, რომლებმაც გადაიტანეს ინსულტი ჰქონდათ С  ვიტამინის დაქვეითებული რაოდენობა, ხოლო საკონტროლო ჯგუფს - ნორმალური.

დოქტორ სტეფან ვანიეს თქმით, საჭიროა С ვიტამინის დეფიციტის ინსულტის რისკ-ფაქტორების სიაში შეყვანა მაღალი არტერიული წნევის, ალკოჰოლისა და ჭარბი წონის გვერდით. ცნობილია, რომ С  ვიტამინი არეგულირებს სისხლის წნევას, ხელს უწყობს კოლაგენის გამომუშავებას, რომელსაც შეიცავს ძვლები, კანი და სხვა ქსოვილები. ამ ვიტამინს ადრეც უკავშირებდნენ გულის დაავადებების განვითარების რისკს.