ბროწეული მდიდარია ანტიოქსიდანტებით და შესაბამისად, სასარგებლოა ჯანმრთელობისთვის, აცხადებენ დიეტოლოგები. ცნობილია, რომ ბროწეულის წვენი გვიცავს გულის ინფარქტისა და ინსულტისაგან, იტყობინება Zee News. კერძოდ, იგი ხელს უშლის სისხლძარღვების კედლებზე ნადების წარმოქმნას და უფრო მეტიც, მონაწილეობს მათი გაწოვის პროცესში.
ბროწეული ასევე ხელს უწყობს შაქრისა და ქოლესტერინის დონის შენარჩუნებას. მასში არ არის ბევრი კალორია და იგი არ შეიცავს ქოლესტერინსა და უჯერ მჟავეებს. რიგმა კვლევებმა ისიც კი დაადასტურა, რომ ბროწეული ძუძუს კიბოს უჯრედებს შლის, ხოლო მისი წვენი ანეიტრალებს თავისუფალ რადიკალებს, ამუხრუჭებს სიმსივნის ზრდასა და რადიკალებთან დაკავშირებულ სხვა პროცესებს.
მთლიანობაში ბროწეული ნაჩვენებია ჰიპერტონიის მქონე ადამიანებისთვის. აღნიშნული პროდუქტი ამცირებს სისხლძარღვების დაზიანებასა და ანთებით პროცესს. ეფექტი ასპირინის ანტიაგრეგაციული მოქმედების მსგავსია. ბროწეული ხელს უწყობს კანის ეპიდერმალური და დერმალური შრის უჯრედულ რეგენერაციას, აჩქარებს ჭრილობის შეხორცებას და ეწინაააღმდეგება კანზე მუქი ლაქების წარმოქმნას.
