ტეხასის უნივერსიტეტის თანამშრომლების განცხადებით, სპირტიანი სასმელი სიცოცხლეს ახანგრძლივებს, თუმცა პოზიტიური მოქმედება აღენიშნება მხოლოდ სასმელის ზომიერ მოხმარებას, იტყობინება Micro Finance Monitor. 55-65 წლის 1000-ზე მეტი ადამიანის 20 წლიანმა ანალიზმა აჩვენა, რომ დღეში 1-3 პორცია ალკოჰოლური სასმელი იდეალური რაოდენობაა.

კვლევის პროცესში გარდაიცვალა ადამიანების ჭარბად მსმელთა 60% და იმ პირთა 69%, რომლებიც საერთოდ არ სვამდნენ. მსგავსი შედეგები გაჟღერებული იყო ჯერ კიდევ 2010 წელს, მაგრამ მაშინ სპირტიანი სასმელის რეკომენდებული რაოდენობა შეადგენდა 1-2 პორციას დღეში. სასმელის აქტიური მოხმარება სიკვდილიანობას 42%-ით ზრდიდა, ხოლო ალკოჰოლზე უარი - 49%-ით.

შესაძლოა ამის მიზეზი იყო ის, რომ ალკოჰოლზე უარს ამბობდნენ ყოფილი ალკოჰოლიკები, ან ადამიანები ჯანმრთელობის პრობლემებით და ფიზიკური აქტივობის დაბალი დონით. უდავოა, რომ ალკოჰოლის ხშირი მოხმარება საზიანოა ჯანმრთელობისთვის და სიცოცხლისთვის.

თელავივის უნივერსიტეტის კვლევების მიხედვით, ყავა ამცირებს სიცოცხლის ხანგრძლივობას, ხოლო ალკოჰოლი, პირიქით, ზრდის. ეს ნაერთები განსხვავებულად მოქმედებს ტელომერებზე (ქრომოსომების ბოლო მონაკვეთები). ტელომერები უზრუნველყოფს ქსრომოსომების სტაბილურობას და იცავს უჯრედებს. მათი ძალზედ დამოკლების შემთხვევაში უჯრედი იღუპება.