ბროწეულს შეუძლია გაწმინდოს არტერიები, დაწვას ცხიმები და გააძლიეროს სისხლის მოდინება. ბროწეული შეიცავს ანტიოქსიდანტებს - პოლიფენოლებს, რომლებიც წმენდს სისხლძარღვებს ცხიმოვანი დანალექისაგან. პოლიფენოლები ასევე ეხმარება სისხლძარღვებს გაფართოებასა და შეკუმშვაში, რაც ხელს უწყობს ნორმალური სისხლის მიმოქცევის შენარჩუნებას.
ეს შენაერთები იცავს სისხლძარღვებს გამკვრივებისაგან, რასაც შემდგომ მოსდევს გულის შეტევების განვითარება. მთელი რიგი კვლევების შედეგები მეტყველებენ, რომ ბროწეული ანადგურებს სარძევე ჯირკვლის კიბოს უჯრედებს, ჯანმრთელი უჯრედების დაზიანების გარეშე. ისინი ასევე აქვეითებენ დაბალი სიმკვრივის ლიპოპროტეინების (ე.წ. „მავნე ქოლესტერინის) დონეს და ზრდიან მაღალი სიმკვრივის ლიპოპროტეინების (ე.წ. „სასარგებლო ქოლესტერინი“) მაჩვენებელს.
ბროწეულის მიღება ნაჩვენებია იმ პირებისათვის, რომლებსაც აქვთ მაღალი არტერიული წნევა, ვინაიდან ის ხელს უწყობს წნევის დაქვეითებას.
ბროწეულის წვენი სასარგებლოა კბილებისათვის, ვინაიდან ის ხელს უშლის კბილის ნალექის განვითარებას. ასევე კარგია ის აქტიური ადამიანებისათვის, ვინაიდან ხელს უშლის ხრტილოვანი ქსოვილის გაცვეთას, რაც ასე ხშირია არამარტო ხანდაზმულ ადამიანებში, არამედ სპორტსმენებშიც.
