ეს ეხება ბავშვებს, რომლებიც კვირაში სამ პორციაზე მეტ “ფასტფუდის” საკვებს მიირთმევენ. მათ აღენიშნებათ უფრო ხშირი ცემინება, ცრემლდენა, სურდო და ქავილი, იტყობინება The Daily Mail რამდენიმე ქვეყანაში ჩატარებული კვლევების საფუძველზე.

სპეციალისტების აზრით, სწორედ „ფასტფუდს“ უკავშირდება ასთმის მსოფლიო ეპიდემია. მაგალითად, დიდ ბრიტანეთში ასთმის გავრცელების მაჩვენებელი ორჯერ გაიზარდა უკანასკნელი 20 წლის მანძილზე. ამავე დროს, ბავშვების რაციონში ვიტამინებისა და მინერალური ნივთიერებების რაოდენობა სტაბილურად მცირდება.

მკვლევარებმა შეისწავლეს 51 ქვეყნის 13-14 წლის მოზარდების 319 000 და 31 ქვეყნის 6-7 წლის ბავშვების 181 000 სამედიცინო მონაცემი. კვლევის მონაწილეები და მათი მშობლები პასუხობდნენ კითხვებს ასთმის სიმპტომებთან, რინოკონიუქტივიტთან და ეგზემასთან და ასევე, რაციონთან დაკავშირებით.

დადგინდა, რომ კვირაში სამ პორციაზე მეტი ბურგერის, ჩიფსისა და პიცის მომხმარებელ მოზარდებში 39%-ით უფრო ხშირად ვლინდებოდა ასთმის მძიმე ფორმა, ხოლო ბავშვებში ეს მაჩვენებელი 27% იყო. იზრდებოდა ასევე ეგზემისა და რინიტის გამწვავებების რისკიც.

მეცნიერებისთვის ჯერ-ჯერობით გაურკვეველია აღნიშნულის მიზეზი მავნე პროდუქტებია თუ ბოსტნეულისა და ხილის არარსებობა, მაგრამ მათ დაადგინეს, რომ სასარგებლო პროდუქტების სამი და მეტი პორციის მიღება 11-14%-ით ამცირებს დაავადების გამოვლენის სიმძიმეს.

წმინდა გიორგის ჰოსპიტლის სამედიცინო სკოლის მკვლევართა გუნდმა დაამტკიცა, რომ ფილტვების ნორმალური მუშაობისთვის აუცილებელია С და Е ვიტამინის, ბეტა-კარაოტინის მაღალი კონცენტრაცია, ასევე, ციტრუსების, ვაშლის და ხილის წვენები. ამავე დროს, მარილი, ცხიმოვანი მჟავები, როგორიცაა მარგარინში, ხელს უწყობს ასთმის განვითარებას.