მკვლევართა თქმით, ორსულობის დროს ჩიფსისა და ორცხობილას დიდი რაოდენობით მიღება ახალშობილის ჯანმრთელობის სერიოზული პრობლემების მიზეზი შეიძლება გახდეს.
მეცნიერებმა გააანალიზეს 1000 ორსულის დიეტა 2006-2010 წლების მანძილზე. დადგინდა, რომ მომავალი დედების მიერ ჩვეულებრივ საკვებსა და ყავაში არსებული აკრილამიდის დიდი რაოდენობით მოხმარების შედეგად მათ ახალშობილებს თავის გარშემოწერილობა და სხეულის საერთო წონა შედარებით ნაკლები ჰქონდათ.
ახალშობილის თავის გარშემოწერილობა ასოცირდება ნერვული სისტემის განვითარების შეფერხებასთან, ხოლო სხეულის წონის ნაკლებობა - ჯანმრთელობის არასასურველ ეფექტებთან ბავშვის სიცოცხლის როგორც ადრეულ სტადიაზე, ისე ზრდის პროცესში.
აკრილამიდის გამომუშავება ხდება სახამებლის შემცველი პროდუქტების მაღალ ტემპერატურაზე დამუშავების შედეგად და იგი ვლინდება, ასევე, ისეთ ფართო მოხმარების პროდუქტებში, როგორიცაა ყავა და პური.
მეცნიერები აღნიშნავენ, რომ ახალშობილის მცირე წონა დაკავშირებულია გულ-სისხლძარღვთა დაავადებების, დიაბეტი 2 ტიპისა და ოსტეოპოზის განვითარების რისკის ზრდასთან. მათივე თქმით, აკრილამიდის ახალშობილის წონაზე გავლენის ანალოგიური ეფექტი აღინიშნება თამბაქოს მოხმარების შემთხვევაში ორსულობის დროს.
კვლევის პროცესში მეცნიერები სწავლობდნენ ორსული ქალების არამარტო რაციონს, არამედ ჭიპლარის სისხლსაც.
