ბაზარზე გამოდის ახალი მედიკამენტი აივ-ინფექციის მქონე პირთათვის - Quad. ეს პრეპარატი პაციენტების ცხოვრების ძირეულად ცვლილებას გვპირდება, იტყობინება The Daily Mail. ცნობილია, რომ ეს საშუალება უფრო სწრაფად მუშაობს და მინიმალური გვერდითი მოვლენებით ხასიათდება.

მედიკოსთა თქმით, აღარ იქნება აუცილებელი ყოველდღიურად აბების უზომო რაოდენობის მიღება. ეს პრეპარატი შეცვლის მათ ყველას. მასშტაბურმა კვლევებმა აჩვენა, რომ Quad-ის დახმარებით ხდება აივ-ინფექციის მკურნალობისადმი რეზისტენტობის განვითარების პრობლემის გადაჭრაც.

ჰარვარდის სამედიცინო სკოლის წარმომადგენელი პოლ საქსი ამბობს, რომ აღნიშნული მაღალი ეფექტურობის მიღწევა შესაძლებელი გახდა რამდენიმე ანრირეტროვირალური საშუალების ერთ აბში თავმოყრით, რაც პაციენტისთვის ბევრად უფრო მოსახერხებელია მკურნალობის რეჟიმის დაცვის თვალსაზრისითაც.

ამრიგად, Quad შეიცავს ელვიტეგრავირს, კობიცისტატს, ემტრიციტაბინს და ტენოფოვირ დიზოპროქსილ ფუმარატს. შემმუშავებელ კომპანიას წარმოადგენს Gilead Sciences. აგვისტოს თვეში ელოდებიან საბოლოო ნებართვას პრეპარატის ფართო გამოყენებასთან დაკავშირებით.