ადამიანის გულ-სისხლძარღვთა სისტემა ასაკთან ერთად მნიშვნელოვან ”ცვეთას” განიცდის - სისხლძარღვის კედლებზე გროვდება ქოლესტერინი, რომელიც გარკვეული დროის განმავლობაში იწვევს სისხლძარღვის სანათურის დახშობას და თრომბების განვითარებას.

წლების შემდეგ ქოლესტერინის ასეთი გროვების რაოდენობა სულ უფრო იმატებს და გულს უხდება სულ უფრო მეტი ძალის დახარჯვა კუნთებისა და ქსოვილების ჯანგბადით მომარაგების უზრუნველსაყოფად. ეს იწვევს არტერიული წნევის მომატებას და გულ-სისხლძარღვთ სისტემის ძირითადი დაავადებებისა და დარღვევების განვითარებას. აღმოჩნდა, რომ შესაძლებელია არათუ ამ პროცესის შეჩერება, არამედ მისი უკუგანვითარებაც კი შვიდი სახეობის სამკურნალო მცენარის გამოყენებით, რომლებიც ამავდროულად სანელებლებადაც გვევლინებიან.

1. ნიორი - შეიცავს ალიცინს, ნივთიერებას, რომელიც გამოირჩევა მძლავრი ანტიბაქტერიული, ანტიოქსიდანტური და ანტიჰიპერტენზიული თვისებებით. ნიორი გვეხმარება არტერიული წნევის დაქვეითებაში, როგორც ხანმოკლე, ასევე ხანგრძლივი პერსპექტივით. მისი დაუყოვნებელი ეფექტი გამოვლინდება მოხმარებიდან 5 საათში და შეიძლება გაგრძელდეს 9 საათის განმავლობაში.

2. დარიჩინი - მისი მოქმედება შესწავლილია მთელი რიგი კვლევების საშუალებით. დღიურად 250 მგ დარიჩინის მიღების შემთხვევაში, რამდენიმე კვირაში 13-დან 23%-მდე ქვეითდება როგორც შაქრის დონე სისხლში, ასევე არტერიული წნევაც.

3. ხახვი - შეიცავს კვარცეტინს, მძლავრ ანტიოქსიდანტს, რომელიც ეფექტურად გვიცავს გულ-სისხლძარღვთა სისტემის თითქმის ყველა დაავადებისაგან და პირველ რიგში - ინსულტისაგან.

4. ზეითუნი - მსოფლიოში ერთ-ერთ ყველაზე ჯანსაღ დიეტად აღიარებული ხმელთაშუაზღვისპირეთის დიეტის მნიშვნელოვანი ინგრედიენტია. 40 გრამი ზეითუნის ზეთის მიღების შემდეგ არტერიული წნევის დონე 50%-ით ქვეითდება.

5. თავშავა (იგივე ორეგანო) - შეიცავს კარვაკროლს. ეს შენაერთი შესწავლილი იქნა თურქი მეცნიერების მიერ. ცხოველებზე ჩატარებული კვლევის შედეგად დადგინდა, რომ კარვაკროლს შეუძლია მნიშვნელოვნად შეამციროს გულის შეკუმშვათა რაოდენობა, არტერიული წნევის საშუალო მაჩვენებელი, ასევე დააქვეითოს როგორც სისტოლური, ასევე დიასტოლური წნევა.

6. კუნელი - ამ ნივთიერების ექსტრაქტი კარგადაა ცნობილი გულით ავადმყოფებისათვის. მას რეალურად შეუძლია გაასუფთაოს სისხლძარღვთა კედლები ქოლესტერინის ნადებისაგან, გააუმჯობესოს სისხლის მიმოქცევა და შეამციროს გულზე დატვირთვა.

7. ილი - ამ ცოტა ხნის წინათ ინდოელმა მეცნიერებმა ჩაატარეს კვლევა, რომელშიც მონაწილეობდა მაღალი არტერიული წნევის მქონე 40 მოხალისე პაციენტი. ამ ჯგუფის ყოველი მონაწილე ყოველდღიურად იღებდა 3გრ ილის შემცველ ფხვნილს. სამი თვის შემდეგ არტერიული წნევის სრული ნორმალიზაცია აღინიშნა 38 პაციენტში.