დიეტოლოგები აღიარებენ, რომ ახალი ხილი და ბოსტნეული, განსაკუთრებით კი, რომელიც ყველაზე მეტი რაოდენობით შეიცავენ საკვებ ნივთიერებებს, ნაკლებად ხელმისაწვდომია მოსახლეობის დიდი ნაწილისთვის.
ამერიკის დიეტოლოგიური საზოგადოების კონფერენციაზე წარმოდგენილი ახალი კვლევის შედეგების მიხედვით, კარტოფილი არის ერთ-ერთი ყველაზე სასარგებლო და ხელმისაწვდომი ბოსტნეული. სხვა ბოსტნეულთან შედარებით საგრძნობლად უკეთესია კარტოფილის ფასის მის კვებით ღირებულებასთან შეფარდება. კარტოფილი შეიცავს კალიუმის დიდ რაოდენობას და ამ ელემენტის ყველაზე ხელმისაწვდომ წყაროს წარმოადგენს.
ვაშინგტონის უნივერსიტეტის მეცნიერებმა შეადარეს სხვადასხვა პროდუქტის კვებითი ღირებულება და ფასი და მივიდნენ დასკვნამდე, რომ კარტოფილი კალიუმის ყველაზე იაფი წყაროა. 2010 წლის დიეტური რეკომენდაციების მიხედვით, ადამიანის მიერ კალიუმის ყოველდღიური საჭიროება შეადგენს 4,700 მგ-ს. ამერიკელების უმრავლესობის რაციონში ამ ელემენტის ნაკლებობა აღინიშნება. კალიუმის დიდი რაოდენობით შემცველი სხვა ხილისა და ბოსტნეულის ფასი კარტოფილზე თითქმის ორჯერ ძვირია, ამიტომ ბევრი ადამიანისთვის ეს პროდუქტები, ჩვეულებრივ, არ არის ხელმისაწვდომი.
კვლევის შედეგების მიხედვით, ადამიანები, რომლებიც გამომცხვარ, მოხარშულ და და შემწვარ კარტოფილს მოიხმარენ, იღებენ უფრო მეტ კალიუმსა და К ვიტამინს ვიდრე ისინი, ვინც კარტოფილს არ ჭამს.
