რაციონიდან გაზიანი სასმელის მთლიანად ამოღება და მისი ჩვეულებრივი წყლით ჩანაცვლება მნიშვნელოვნად შეამცირებს არამარტო დიაბეტის, არამედ გულის დაავადებების რისკსაც, ამტკიცებენ ჰარვარდის უნივერისტეტის ექსპერტები.

სპეციალისტების გათვლებით, რაციონის აღნიშნული ტრანსფორმაცია გამოწვევს რისკის შემცირებას და ჭარბი წონის დაკლებას, იუწყება Associated Press. ჰარვარდის საზოგადოებრივი ჯანდაცვის სკოლის პროფესორი ფრენკ ხუ აცხადებს, რომ არსებობს მკაფიო მტკიცებულებები იმისა, რომ გაზიანი სასმელის რეგულარული მოხმარება კავშირშია სიმსუქნის, დიაბეტისა და გულის დაავადებების რისკის მატებასთან.

ამ რისკების თავიდან აცილებისთვის აუცილებელია ჩვეულებრივი წყლის მოხმარებაზე გადასვლა, გვირჩევს პროფესორი, ან უკიდურეს შემთხევაში შეგვიძლია გამოვიყენოთ ჩაი და ყავა უშაქროდ. ცნობილია, რომ ადამიანის სხეულის 55-78%-ს წყალი შეადგენს. ორგანიზმის მიერ წყლის10%-ის დაკარგვა სერიოზულ გაუწყლოებად დიაგნოსტირდება და საფრთხეს წარმოადგენს სიცოცხლისთვის.

ორგანიზმის ნორმალური ფუნქციონირებისთვის აუცილებელია დღეში ერთიდან შვიდ ლიტრამდე წყლის მიღება. რაც მეტია გარემოს ტემპერატურა და ფიზიკური დატვირთვა, მით მეტი წყლის მიღებაა აუცილებელი ორგანიზმისთვის.