მკვლევართა თქმით, თევზის ქონის შემცველ დანამატებს ქიმიოთერაპიული წამლების მოქმედების შეჩერება შეუძლია.

კვლევის შედეგები გამოქვეყნდა ჟურნალში “Cancer Cell”.

სისხლის ღეროვანი უჯრედები ახდენს ორი ცხიმოვანი მჟავის პროდუცირებას, რომელიც მედიკამენტების მოქმედებისაგან სიმსივნის დაცვას უწყობს ხელს. ეს ცხიმოვანი მჟავეები ნანახია თევზის ქონის შემცველ პროდუქტებში.

ნიდერლანდელმა მეცნიერებმა გამოიკვლიეს სიმსივნეების მედიკამენტებისადმი მდგრადობის განვითარების საფუძველი.

თაგვებზე ექსპერიმენტმა აჩვენა, რომ სისხლის ღეროვანი უჯრედები ფართოდ გამოყენებული კიბოს საწინააღმდეგო წამლის Cisplatin-is საპასუხოდ იწყებენ ორი ცხიმოვანი მჟავის - KHT-სა და 16:4(n-3)-ის პროდუცირებას.

ამ ცხიმოვან მჟავეებს უკავშირდება ქიმიური რეაქციების მთელი რიგი, რის შედეგადაც კიბოს უჯრედები რეზისტენტული ხდება ქიმიოთერაპიის მიმართ.

მკვლევართა თქმით, ცხიმოვანი მჟავების პროდუცირების მაბლოკირებელი წამლები ეწინააღმდეგება აღნიშნული რეზისტენტობის განვითარებას, რაც მნიშვნელოვნად აძლიერებს ქიმიოთერაპიის ეფექტს.

მეცნიერები აღნიშნავენ, რომ ეს ცხიმოვანი მჟავეები დიდი რაოდენობითაა თევზის ქონის შემცველ პროდუქტებში, რომლის გამოყენებამ ექსპერიმენტულ ცხოველებში სიმსივნეების მიმართ ქიმიოთერაპიული წამლების მოქმედება შეაჩერა.

მკვლევარები კიბოს დიაგნოზის მქონე ადამიანებს ურჩევენ არ მიიღონ თევზის ქონის შემცველი პროდუქტები, განსაკუთრებით ქიმიოთერაპიული კურსის გავლის დროს.