ბრიტანეთის თავდაცვის სამინისტროს მეცნიერებისა და ტექნოლოგიის ლაბორატორიის (Defence Science and Technology Laboratory) სპეციალისტებმა გაშიფრეს გენომი მიკრობისა Francisella tularensis, რომელიც სასიკვდილო დაავადებას - ტულარემიას იწვევს.
მეცნიერების თქმით, მხოლოდ 10 ასეთი მიკრობია საკმარისი, რომ ადამიანი დაავადდეს – ეს დაავადებათა გავრცელების აბსოლუტური რეკორდია. მიკრობები ადამიანს გადაეცემა მღრღნელებისაგან და მწერებისაგან, ასევე ჰაერითაც. ასე მაგალითად, 2000 წელს ამერიკაში აღინიშნა ადამიანის ჰაერიდან ტულარემიით დაავადების შემთხვევა. როგორც აღმოჩნდა, მან დაავადებულ კურდღელს გაზონების მცელავი მანქანით გადაუარა.
ამ საშიში მიკრობისადმი მეცნიერების დაინტერესება გამოწვეული არა ამის მსგავსი შემთხვევებით, არამედ ტერორისტების მიერ Francisella tularensis ბიოლოგიურ იარაღად გამოყენების ალბათობით. მედიკები ამტკიცებენ, რომ 50 კგ. ამ მიკრობის რომელიმე მსხვილ ქალაქზე გაფანტვა გამოიწვევს 20 ათასზე მეტი ადამიანის სიკვდილს, ხოლო მეოთხედი მილიონის „წყობიდან გამოყვანას”. ასე რომ, იგი ე.წ. ბიოლოგიური ატომური ბომბია.
Francisella tularensis გენომის გაშიფვრა პირველი ნაბიჯია ამ დაავადებისაგან თავის დაცვის საერთაშორისო პროგამისა, რომელიც ვაქცინის გამომუშავებას ითვალისწინებს. უკვე იდენტიფიცირებულია მიკრობის გენების ჯგუფი, რომელიც უშუალოდ ამ დაავადების გამოწვევასთან არის დაკავშირებული.
http://membrana.ru
2005.01.14
