იმის მიუხედავად, რომელ დიეტას ანიჭებთ უპირატესობას, კვების რაციონში უნდა დაამატოთ ის პროდუქტები, რომლებიც სასარგებლოა არამარტო ჯანმრთელობისათვის, არამედ სილამაზისთვისაც. აი ის ოთხი აუცილებელი პროდუქტი, რომელიც უნდა იყოს ყველა ქალის სასადილო მაგიდაზე:

1. მოცვი - ეს კენკრა ძალიან მდიდარია უჯრედისით და შეიცავს შაქრის მცირე რაოდენობას. მოცვის ხშირი გამოყენება კეთილისმყოფელ ზეგავლენას ახდენს მხედველობის სიმახვილეზე და როგორც მრავალი კვლევა ადასტურებს, აუმჯობესებს მეხსიერებას. შეეცადეთ, შეცვალოთ ტრადიციული დესერტი ერთი ულუფა მოცვით ახლად ათქვეფილ ნაღებთან ერთად.

2. კომბოსტო - ეს უბრალო ბოსტნეული ძალიან მდიდარია С ვიტამინით და წარმოადგენს მრავალი სასარგებლო ნივთიერებითა და უჯრედისით გაჯერებულ პროდუქტს. გარდა ამისა, კომბოსტო შეიცავს ნივთიერებებს, რომლებიც ორგანიზმს ეხმარება ისეთი მძიმე დაავადების წინააღმდეგ, როგორიცაა კიბო.

3. შვრია - მიირთვით მეტი შვრიის ბურღული უმი სახით. გაინებივრეთ თავი ასევე ”სილამაზის სალათით”, სხვადასხვა სახის შვრიის ფაფით, მათ შორის სწრაფი მომზადების ფაფებითაც. შვრიის ბურღული ითვლება ქარვის მჟავის, ასევე ცილებისა და უჯრედისის საუკეთესო წყაროდ.

4. სარდინები - თევზის ამ სახეობის კონსერვები საკმაოდ ხელმისაწვდომია, არ არის ძვირი და არ საჭიროებს მომზადებას. ის ძალიან სასარგებლოა, ვინაიდან მდიდარია ომეგა 3 ცხიმოვანი მჟავებით. თუ რეგულარულად მოიხმართ თევზის რბილ ძვლებს, თქვენ გაამდიდრებთ ორგანიზმს კალციუმითა და ცილებით.