მეცნიერებმა მაასტრიქტის უნივერსიტეტიდან დადგინეს, რომ ქალები, რომლებიც არ ეწევიან, არიან აქტიურები და მისდევენ ხმელთაშუაზღვისპირა დიეტას, იცოცხლებენ 15 წლით მეტს, ხოლო მამაკაცებს იგივე რეჟიმის პირობებში სიცოცხლე გაუხანრძლივდებათ მხოლოდ 8 წლით (The Independent).
შეგახსენებთ: ხმელთაშუაზღვისპირა დიეტა მდიდარია ბოსტნეულით, ის შეიცავს ზეითუნის ზეთს, ხილს, კაკალს, თევზს და გაუცეხვავ ბურღულეულს. მასში მცირე ადგილი ეთმობა ხორცს და ალკოჰოლს. მკვლევარებმა შეამოწმეს მისი ეფექტი 55-69 წლის ასაკის 120000 ადამიანის მაგალითზე. კვლევა დაიწყო 1986 წელს და გაგრძელდა 1996 წლამდე.
მეცნიერებმა გამოთვალეს ”ჯანსაღი ცხოვრების წესის მაჩვენებელი” ისეთ ფაქტორებზე დაყრდნობით, როგორიცაა თამბაქოს მოწევა, ვარჯიში, წონა და დიეტა. ეპიდემიოლოგიის პროფესორი პიტ ვან დენ ბრანტი განმარტავს: ”აქამდე თითქმის არავინ აანალიზებდა ურთიერთდამოკიდებულებას ცხოვრების წესის ფაქტორების კომბინაციასა და სიკვდილს შორის. ჩვენ გავარკვიეთ, რომ კვების განსაკუთრებული რეჟიმი უფრო მეტად აისახებოდა ქალების ჯანმრთელობაზე. ცალკე აღნიშვნის ღირსია ბოსტნეული, თხილი და ალკოჰოლის მინიმალური რაოდენობით მოხმარება”.
ბარბარა დინსდეილი ბრიტანეთის გულის კვლევის საზოგადოებიდან ხაზგასმით აღნიშნავს, რომ ხმელთაშუაზღვისპირა დიეტას აქვს ანთებისსაწინააღმდეგო და ანტიოქსიდანტური ეფექტები. პლიუს, ის არ შეიცავს დიდი რაოდენობით ქოლესტერინს და გვეხმარება შაქრის კონტროლში.
http://Meddaily.ru
2011.08.05
