მეცნიერებმა დაადგინეს, რომ ცოცხალ ბაქტერიციდს შეუძლია აივ-ინფექციის მსგავსი ინფექციის გამოვლინების შემცირება მაიმუნებში. ისინი დარწმუნებულები არიან, რომ აღნიშნული საშუალება მომავალში ქალებისთვის ვირუსისაგან ხანგრძლივი დაცვის საშუალება გახდება.
მერილენდის ჯანდაცვის ინსტიტუტის მეცნიერმა დენ ხამერმა კოლეგებთან ერთად მოახდინა ბუნებრივად არსებული ვაგინალური ბაქტერიების მოდელირება, რომლებსაც შეუძლიათ აივ ვირუსის საწინააღმდეგო პროტეინის - cyanovirin-N-ის პროდუცირება.
მეცნიერებმა აღნიშნული ბაქტერიების შემცველი გელი წაუსვეს რეზუს -მაკაკების საშოს ზედაპირს მანამდე, სანამ დააინფიცირებდნენ მათ აივ-ინფექციის და მაიმუნების იმუნოდეფიციტური ვირუსის (SIV) ჰიბრიდით. შედეგად, ახლადშექმნილმა ბაქტერიებმა დაინფიცირების რისკი 63%-მდე შეამცირა.
ცნობილია, რომ ქალებში ბაქტერიების რაოდენობა ათჯერ მეტია, ვიდრე მაკაკებში. ამიტომ შექმნილი ბაქტერიები შეძლებენ უფრო ეფექტურად მუშაობას, უფრო კარდინალურად შეამცირებენ რა დაინფიცირების ხარისხს.
გელის უსაფრთხოებაზე ტესტების ჩატარების შემდეგ მეცნიერები კლინიკურ კვლევებს დაიწყებენ.
http://www.telegraph.co.uk
2011.08.02
