მეცნიერებს აშშ-ს ადამიანის გენომის ნაციონალური ინსტიტუტიდან (National Human Genome Institute) გადაწყვეტილი აქვთ შეადგინონ იმ გენეტიკური ანომალიების სრული კატალოგი, რომლებიც იწვევენ კიბოს განვითარებას - იუწყება სააგენტო France Presse. სპეციალისტები გეგმავენ გამოიკვლიონ კიბოს დნმ სულ მცირე 12,5 ათას ნიმუშში, რაც შეადგენს დაახლოებით 250 გენეტიკურ რუქას 50 ყველაზე გავრცელებული კიბოს სახეობიდან თითოეულისათვის.
ინსტიტუტის დირექტორის ფ. კოლინზის (Francis Collins) განცხადებით, 2003 წლის აპრილში დასრულდა პროექტი “ადამიანის გენომი”, რამაც შესაძლებელი გახადა იმ გენების სრული იდენტიფიცირება, რომლებიც ჩართულნი არიან თითოეული ტიპის კიბოში. ის თვლის, რომ ახალი პროექტი მკვლევარებს მისცემს სიმსივნეების პროფილაქტიკის, დიაგნოსტიკისა და მკურნალობის ახალი შესაძლებლობების გამოვლენის საშუალებას.
ჯერჯერობით კი, პროექტი “კიბოს გენომი“ მხოლოდ კონცეფციის სახით არსებობს და დაახლოებით 1,35 მლრდ დოლარად არის შეფასებული. გაურკვეველია, თუ რა სახით დაფინანსდება და როდის დაიწყება ის. სკეპტიკურად განწყობილი მეცნიერების აზრით, მსგავს სამეცნიერო მონსტრს შეუძლია იმ ძალებისა და სახსრების მოცდენა, რომლებიც გამოდგებოდა, მართალია, უფრო მცირე ზომის, მაგრამ არანაკლები მნიშვნელობის გამოკვლევების ჩასატარებლად.
http://mednovosti.ru
2005.04.04
