გერმანელმა მეცნიერებმა განაცხადეს, რომ ესპანური კიტრი არ არის იმ ნაწლავური ეპიდემიის მიზეზი, რომელიც ევროპელებს კლავს, იტყობინება The Independent.
ეპიდემიოლოგები ჯერ-ჯერობით ვერ ახერხებენ დაინფიცირების წყაროს ზუსტ დადგენას, ხოლო ევროპაში სულ უფრო მეტი ადამიანი ხდება ამ ინფექციის მსხვერპლი. აქამდე ძალაშია ოფიციალური გაფრთხილება ბოსტნეულთან დაკავშირებით, ეს განსაკუთრებით ეხება მწვანე სალათას და ისპანახს, ბუნებრივი სასუქით განაყოფიერების გამო. რამდენიმე ევროპულმა ქვეყანამ უარი განაცხადა ესპანეთიდან და გერმანიიდან პროდუქციის შეტანაზე.
გერმანიის სოფლის მეურნეობის მინისტრი რობერტ კლოსი, აცხადებს, რომ გერმანელი მეცნიერების მიერ ჩატარებულმა ტესტებმა ვერ აღმოაჩინეს კიტრში საშიში ბაქტერიის შტამები.
ექსპერტებისთვის აქამდე უცნობია, თუ რატომ ხდება ბაქტერიების მიერ ძირითადად ქალების დაინფიცირება. შესაძლოა, სწორედ ქალების მიერ ცხოვრების ჯანსაღი წესის დაცვის სურვილი განაპირობებს მათ რაციონში უფრო მეტი ბოსტნეულის არსებობას. დაავადება განსაზღვრულია, როგორც ჰემოლიზურ-ურემიული სინდრომი, რომელიც აზიანებს სისხლს, ნერვულ სისტემას და თირკმლებს. ამ ინფექციის მსხვერპლთა რიცხვმა 1200 მოსახლეს მიაღწია ევროპაში.
http://www.meddaily.ru
2011.06.02
