რძის ნაწარმი კალციუმის ყველაზე მნიშვნელოვანი წყაროა ინდივიდის მთელი ცხოვრების მანძილზე და როგორც ირკვევა, პრაქტიკულად შეუძლებელია მისი სხვა საკვები პროდუქტით ჩანაცვლება.
კვლევებით დადგინდა, რომ ბავშვობისა და ყრმობის ასაკში რძის სისტემატური მოხმარება განაპირობებს ძვლის მაღალ მინერალურ სიმკვრივეს და ასაკოვან ქალებში ოსტეოპოროზით გამოწვეული მოტეხილობების განვითარების რისკის შემცირებას.
კალციუმის ოპტიმალური რაოდენობა იცვლება ცხოვრების ციკლის ეტაპების შესაბამისად:
- 1-3 წელი: 500 მგ/დღეში,
- 4-8 წელი: 800 მგ/დღეში,
- 9-18 წელი: 1.300 მგ/დღეში,
- 18 წელზე მეტი: 800 მგ/დღეში.
300 მგ კალციუმის მიღება შესაძლებელია შემდეგი პროდუქტებიდან:
• 25-30 გ მდნარი ყველი,
• 50 გ რბილი ყველი,
• 200 გ რძე ან იოგურტი,
• 150 გ ნუში ან ლეღვის ჩირი,
• 200 გ მშრალი ბოსტნეული,
• 500 გ ბოსტნეული (კომბოსტო, პრასი, ისპანახი, ბროკოლი),
• 500 გ მსხვილად დაღერღილი ხორბლის პური,
• 0,7 l ლ კალციუმით მდიდარი მინერალური წყალი.
რძის პროდუქტი შეიცავს პრაქტიკულად ყველა იმ საკვებ ნივთიერებას, რომელიც უზრუნველყოფს ადამიანის ოპტიმალურ ზრდასა და განვითარებას.
კალციუმით გამდიდრებული რძე შეუძლიათ მოიხმარონ იმ ადამიანებმა, რომლებსაც რაღაც მიზეზების გამო არ შეუძლიათ რძის პროდუქტების საკმარისი რაოდენობით მიღება.
A და D ვიტამინებით გამდიდრებული რძე სასურველია იმ პირთათვის, რომლებიც პროდუქტების საკმაოდ შეზღუდული რაოდენობით იკვებებიან და საჭიროებენ ცხიმის დაბალი შემცველობის მქონე საკვებს.
უცხიმო რძე, რომელიც გამდიდრებულია Omega-3 მჟავებით, გამოიყენება გულ-სისხლძარღვთა დაავადებების განვითარების თავიდან ასაცილებლად. იგი ამცირებს თრომბის წარმოქმნისა და სისხლის შედედების რისკს და ზრდის სასარგებლო ქოლესტერინის რაოდენობას.
http://miylikar.com.ua
2011.05.24
