ზოგიერთი მეცნიერის აზრით, საშუალო ასაკში წონაში მატება დაბერების ჩვეულებრივი შედეგია, თუმცა შეიძლება მნიშვნელოვნად გაზარდოს დემენციის განვითარების რისკი.
შვედი მეცნიერების გუნდმა აღმოაჩინა, რომ ჭარბი წონა ზრდის მოხუცებულობითი ჭკუასუსტობის განვითარების რისკს და ალცჰეიმერის დაავადების შემთხვევაში – 70%-ზე მეტადაც კი, იტყობინება Los Angeles Times.
მეცნიერთა თქმით, დემენციის განვითარების რისკი უფრო მეტი აქვთ მსუქან ადამიანებს ანუ მათ ჭკუასუსტობა უვითარდებათ 280%-ით უფრო ხშირად, ვიდრე იმ ადამიანებს, რომელთაც სხეულის მასის ინდექსი 20-დან 25-ის ფარგლებში აქვთ.
სტოკჰოლმის კაროლინის ინსტიტუტის მეცნიერები აკვირდებოდნენ 65 წელზე მეტი ასაკის 8534 ტყუპს, რომელთა სიმაღლე და წონა გაზომილი ჰქონდათ 30 წლის წინ. მათ შორის 460-ზე მეტს დაუდგინდა “ჭკუასუსტობის ან შესაძლო ჭკუასუსტობის” დიაგნოზი.
მეცნიერების გაოცება გამოიწვია იმ ფაქტმა, რომ იმ შემთხვევებში, როდესაც ერთ-ერთ ტყუპისცალს აღენიშნებოდა დემენცია, სხეულის მასაზე მნიშვნელოვანი დამოკიდებულება არ ვლინდებოდა. აქედან გამომდინარე, სავარაუდოა, რომ ჭკუასუსტობის განვითარებაში მონაწილეობას ღებულობს, ასევე, ისეთი ფაქტორები, როგორიცაა გენეტიკა და გარემომცველი არე.
სხეულის წონის დემენციის განვითარებასთან კავშირს ზოგიერთი მეცნიერები ამგვარად ხსნის: ჭარბი წონის გამო განვითარებული ანთებითი პროცესი იწვევს თავის ტვინის უჯრედების დაზიანებას, რამაც შეიძლება ჭკუასუსტობის განვითარების პროვოცირება მოახდინოს.
http://MIGnews.com
2011.05.05
