მოცვში პოლიფენოლების მაღალი შემცველობის გამო ამ კენკრას უპირატესი ადგილი უჭირავს ჯანმრთელობის თვალსაზრისით სხვებთან შედარებით. კერძოდ, ის იცავს გულს, ხელს უშლის მეტაბოლური სინდრომის განვითარებას და დაბერების პროცესებს. კლინიცისტებმა ტეხასის ქალთა უნივერსიტეტიდან (აშშ) შეძლეს აღმოეჩინათ მოცვში ის თვისებები, რომლებიც დაგვეხმარება დღევანდელი მსოფლიო ჯანდაცვის ერთ-ერთი მთავარი პრობლემის - სიმსუქნის თავიდან აცილებაში.
მეცნიერებმა გადაწყვიტეს გამოერკვიათ, როგორია მოცვში არსებული პოლიფენოლების როლი ადიპოციტების დიფერენციაციაში - პროცესში, რომლის დროსაც შედარებით არასპეციალიზებული უჯრედი იძენს ადიპოციტების განსაკუთრებულ თავისებურებებს. ადიპოციტები - ეს არის შემაერთებელი ქსოვილის უჯრედები, რომლებიც გათვალისწინებულია ცხიმის სინთეზისა და შენახვისათვის. პოლიფენოლებმა გამოავლინეს ლიპოგენეზთან ბრძოლის ან ცხიმოვანი უჯრედების განვითარების უნარი, ისინი ასევე იწვევდნენ ლიპოლიზს - ლიპიდების ანუ ცხიმების დაშლას.
პოლიფენოლები ასევე თრგუნავენ ადიპოციტების დიფერენციაციის პროცესს. მოცვის მაღალი კონცენტრაციების შემთხვევაში 73%-ით დაქვეითდა ქსოვილებში ლიპიდების კონცენტრაცია. მართალია, ჯერ კიდევ საჭიროა ამ დოზის უსაფრთხოების გამოცდა ადამიანებზე, მაგრამ მედიკოსები იმედოვნებენ, რომ მოცვს გააჩნია დიდი პოტენციალი ორგანიზმში ცხიმოვანი ქსოვილის როგორც შესამცირებლად, ასევე მისი ფორმირების თავიდან ასაცილებლად.
http://Ami-tass.ru
2011.04.18
