მეცნიერთა თქმით, მანდარინი დაეხმარება ადამიანებს სხვადასხვა დაავადების შემთხვევაში, რომელიც მოიცავს გულის დაავადებებს, დიაბეტს, ინსულტს და სიმსუქნეს. ამის მიზეზი პიგმენტი ნობილეტინია, რომელიც ხილის კანშია მოთავსებული. მეცნიერები აღნიშნავენ, რომ ის გრეიფრუტის კანიდან მიღებულ პიგმენტზე უფრო აქტიურია, წერს The Daily Mail.
დასავლეთ ონტარიოს უნივერსიტეტის მკვლევარებმა სპეციალურად გამოიკვლიეს მანდარინის მოქმედება თაგვებზე. მღრღნელები ჰყავდათ ცხიმითა და მარტივი შაქრით მდიდარ დიეტაზე. პირველ ჯგუფს აღენიშნა სიმსუქნისა და მეტაბოლური სინდრომის სიმპტომების განვითარება (ქოლესტერინისა და ტრიგლიცერიდების მომატებული დონე, ინსულინისა და გლუკოზის მაღალი დონე, ღვიძლის გაცხიმოვნება). ყოველივე ეს დიაბეტისა და გულის დაავადებების განვითარების საფრთხეს ქმნის. მღრღნელების მეორე ჯგუფს, რომელთაც საკვებში ნობილეტინს უმატებდნენ, ჰქონდათ ნორმალური წონა და არ აღენიშნებოდათ ქოლესტერინის მაღალი დონე. ასევე, უფრო მგრძნობიარენი იყვნენ ინსულინისადმი.
კვლევის ავტორის დოქტორ მიურეი ხაფის თქმით, ნობილეტინმა იხსნა ცხოველები სიმსუქნისგან, ხოლო უფრო ხანგრძლივმა დაკვირვებამ კი აჩვენა, რომ იგი სხეულს იცავს ათეროსკლეროზისგან და არტერიებში ქოლესტერინული ფოლაქების ჩალაგებისგან, რაც გულის შეტევებისა და ინსულტის განვითარების მიზეზია.
http://www.meddaily.ru
2011.04.07
