ადამიანის ორგანიზმი ასაკის მატებასათან ერთად სულ უფრო უარესად ითვისებს ალკოჰოლს, რის გამოც ხშირი ქეიფის მოყვარულებს სულ უფრო მეტად აწუხებთ მძიმე გამოზარხოშების სინდრომი. ექსპერტების განმარტებით, ამ მოვლენის მიზეზი მდგომარეობს იმაში, რომ წლების მატებასთან ერთად ადამიანის ორგანიზმი სულ უფრო ნაკლები რაოდენობით გამოიმუშავებს განსაკუთრებულ ფერმენტებს, რომელსაც უწოდებენ ალკოჰოლდეჰიდროგენაზებს (ALDH). ისინი ეთანოლს გადააქცევენ ჯერ აცეტალდეჰიდად, ხოლო შემდეგ ნივთიერებად, რომელიც უხიფათოა ორგანიზმისათვის.
აღნიშნული ფერმენეტები დიდი რაოდენობით არის ღვიძლში, ბევრად ნაკლები რაოდენობით გვხვდება თირკმელებში. გარკვეული კვალი შეიძლება აღმოჩნდეს გულის კუნთსა და ჩონჩხის მუსკულატურაში. როგორც უკანასკნელმა კვლევებმა აჩვენა, ალკოჰოლდეჰიდროგენეზას აქტივობა მართლაც პირდაპირ არის დაკავშირშირებული ასაკთან, სქესთან, რასობრივ კუთვნილებასთან. როდესაც ადამიანი ხშირად იღებს ალკოჰოლს, ფერმენტის აქტივობა ქვეითდება.
სკენექტადის გაერთიანებული კოლეჯის პროფესორის ჯიმ შეფერის სიტყვებით, ეფექტურობის დაქვეითება ძირითადად მაინც ადამიანის ასაკთან არის დაკავშირებული. თუმცა, ამავდროულად გასათვალისწინებელია, რომ ”იაფი ლუდი, ღვინო ან ლიქიორები მეტი რაოდენობით დანამატების შემცველია. იგი წარმოადგენს ერთგვარ ”ქიმიური სუფს”, რომელიც მიიღება დუღილის ან გამოხდის პროცესის შედეგად. უფრო ძვირადღირებული ლიქიორები ხშირად იფილტრება, განიცდის დესტილირების პროცესს, ამიტომაც ნაკლები რაოდენობით შეიცავს მავნე დანამატებს”.
http://NEWSru.com
2011.03.21
