დიდ ბრიტანეთში გაყიდვაში გამოჩნდა დნმ-ტესტი, რომლითაც მამობის დადგენა შესაძლებელია სახლის პირობებშიც. კომპლექტი, სახელწოდებით Assuredna ღირს 29,99 ფუნტი. ტესტი ტარდება ბამბის ტამპონების მეშვეობით, რომლითაც ხდება დედის, ბავშვისა და სავარაუდო მამის ნერწყვის ნიმუშების შეგროვება. შემდეგ ტამპონები თავსდება ფერად კონვერტებში და ანალიზისთვის ლაბორატორიაში იგზავნება.
შედეგები ცნობილი ხუთი დღის განმავლობაში ხდება. მწარმოებლები ამტკიცებენ, რომ ტესტის სიზუსტე 99,99 %-ს შეადგენს, იუწყება The Telegraph. ტესტი ძალიან მოხერხებულია მისი კომპაქტურობისა და სისწრაფის გამო. ტესტის შემმუშავებლების თქმით, მისი გამოყენება შეიძლება სასამართლო განხილვის მიმდინარეობის დროსაც კი, თუმცა არსებობს შეზღუდვაც: თუ ბავშვი 16 წელზე ნაკლები ასაკისაა, მაშინ ტესტირებისთვის დედის თანხმობაა აუცილებელი.
სპეციალისტების აზრით, ტესტის არსი ოჯახის სულიერი სიმშვიდის უზრუნველყოფაში მდგომარეობს, როდესაც არსებობს რაიმე ეჭვი მამობასთან დაკავშირებით. შემმუშავებლები დარწმუნებულები არიან, რომ ეს ტესტი საკმაოდ მოთხოვნადი იქნება, რადგან სტატისტიკური მონაცემებით, ყოველი 25-ე ბავშვი არ არის ოფიციალური მამის ნამდვილი შვილი.
http://medicine.newsru.com
2011.02.02
