წონაში დაკლების პრობლემის გადაწყვეტისთვის ახალ მიდგომას გვთავაზობს ბერლინის კლინიკის “Charité”-ს მეცნიერები მიხაელ ბოშმანის ხელმძღვანელობით.
მეთოდის მთელი არსი ერთ მარტივ წესში მდგომარეობს: წონის დაქვეითების პროცესი დამოკიდებულია იმაზე, თუ რამდენი ენერგიის მიღება ხდება საკვებთან ერთად და რამდენი იხარჯება – ფიზიკური და გონებრივი აქტივობის შედეგად. გახდომისთვის გერმანელი ექსპერტები დიდი რაოდენობით გრილი წყლის სმას გვირჩევენ.
სწორედ წყლის 22 გრადუსი ცელსიუსის ტემპერატურა ენერგიის ხარჯვის გარანტიას წარმოადგენს. იგი კალორიებს არ შეიცავს, ხოლო მისი სხეულის ტემპერატურამდე გათბობის პროცესი თავად იწვევს კალორიების ხარჯვას. ამრიგად, ყოველდღიურად 2 ლიტრა წყლის დალევამ წელიწადში შეიძლება 5 კგ ცხიმის დაწვა გამოიწვიოს. ოპტიმალური რეჟიმია: 0,5 ლ გრილი წყალი საუზმის წინ და 1,5 ლ – დღის განმავლობაში.
ამ მხრივ საინტერესოა შემდეგიც: ამერიკელი მეცნიერები მეიოს კლინიკიდან ამტკიცებენ, რომ საღეჭი რეზინა ნივთიერებათა ცვლას 19%-ით აჩქარებს, რაც თვეში 500 გრ ცხიმის დაკარგვას უტოლდება.
http://medicine.newsru.com
2011.01.24
