წელის გარშემოწერილობის მატებამ შეიძლება გავლენა მოახდინოს თავის ტვინზე, წერს «New Scientist» ახალი კვლევის შედეგების საფუძველზე.
სიმსუქნეს უკავშირებენ დიაბეტის მეორე ტიპის განვითარების საფრთხის მატებას, რაც, როგორც ცნობილია, შემეცნებითი შესაძლებლობების დაქვეითებასთან ასოცირდება. ნიუ-იორკის უნივერსიტეტის სამედიცინო კათედრის მეცნიერმა ანტონიო კონვიტმა სიმსუქნის თავის ტვინის ფიზიკურ სტრუქტურაზე გავლენის გასაგებად კვლევა ჩაატარა. მაგნიტურ-რეზონანსული ტომოგრაფიის დახმარებით მან 44 მსუქანი პაციენტის თავის ტვინი შეადარა იმავე ასაკის19 ნორმალური წონის ადამიანს.
მკვლევარმა დაადგინა, რომ მსუქან ადამიანებს მეტი სითხე აღენიშნებათ ნუშისებრ ჯირკვალში – თავის ტვინის ნაწილში, რომელიც კვებით ქცევაზეა პასუხისმგებელი. მან, ასევე, აღმოაჩინა, რომ ამ ადამიანებს ნაკლები აქვთ თვალ-შუბლის ქერქი, რომელიც იმპულსების კონტროლზეა პასუხისმგებელი, ასევე, მონაწილეობს კვებით ქცევაში, რაც იმას ნიშნავს, რომ ნეირონების რაოდენობა შედარებით ნაკლები აქვთ.
http://Inopressa.ru
2011.01.12
