გაერთიანებული ერების ორგანიზაციის აივ/შიდსის პროგრამის ახალი სტატისტიკური მონაცემების მიხედვით, აივ-ინფექციის ახალი შემთხვევებისა და სიკვდილიანობის რიცხვმა გლობალურად იკლო.
აივ-ეპიდემიის შემცირების ნიშნების მიუხედავად, სპეციალისტთა თქმით, სტიგმა და დისკრიმინაცია პრობლემურ საკითხად რჩება დაახლოებით 33 მლნ აივ-ინფიცირებულისათვის.
უკანასკნელ წელს აღინიშნა აივ-ინფექციის 2,6 მლნ ახალი შემთხვევა. ეს 20%-ით ნაკლებია 1999 წელს შიდსის პიკის პერიოდში არსებულ მაჩვენებელთან შედარებით. 2009 წელს 1,8 მლნ ადამიანი დაიღუპა შიდსთან დაკავშირებული დაავადებების გამო მაშინ, როდესაც 2004 წლისთვის ეს მაჩვენებელი 2,1 მლნ-ს აღწევდა.
სტატისტიკის მიხედვით, ანტირეტროვირალური წამლებით მკურნალობის მაჩვენებელმა იმატა: 2004 წელს მკურნალობას იტარებდა 700 000მლნ ადამიანი, ხოლო 2009 წელს - 5 მლნ.
აფრიკის სუბ-საქარული ზონა რჩება ეპიდემიით ყველაზე დაზარალებულ რეგიონად, რომელზეც აივ-ინფექციის ახალი შემთხვევების დაახლოებით 70% მოდის.
ავადობის დონემ იკლო სამხრეთ აფრიკაში, ზამბიაში, ზიმბაბეში და ეთიოპიაში. ხოლო აღმოსავლეთ ევროპასა და ცენტრალურ აზიაში აღინიშნა ავადობისა და სიკვდილიანობის საგრძნობი მატება, რაც, ექსპერტთა თქმით, ნარკომანებისა და ჰომოსექსუალების მიმართ არაშესაბამისი კანონმდებლობისა და დისკრიმინაციის გამო აივ/შიდსის წინააღმდეგ ეფექტური ბრძოლის გაძნელებითაა განპირობებული.
http://www.bbc.co.uk
2010.11.25
