ახალმა კვლევამ დაამტკიცა, რომ ჭარხლის წვენის ყოველდღიური მოხმარება თავის ტვინის სისხლის მიმოქცევას ააქტიურებს მოზრდილ ადამიანებში. მეცნიერთა თქმით, ამ აღმოჩენამ შეიძლება მნიშვნელოვნად გააუმჯობესოს იმ ადამიანების მდგომარეობა, რომელთაც ჟკუასუსტობა აღენიშნებათ, იტყობინება The Times of India.
კვლევის ხელმძღვანელი დანიელ კიმ-შაპირო აღნიშნავს, რომ ადრე ჩატარებული კვლევების მიხედვით, ჭარხლის წვენი იწვევდა არტერიული წნევის დაქვეითებას. ახალი კვლევის მიზანი იყო, ეჩვენებინა როგორ მოქმედებს ჭარხლის წვენი თავის ტვინზე სისხლის მიმოქცევის გაუმჯობესების შედეგად.
მკვლევართა თქმით, საქმე აზოტმჟავას მარილების შემცველობაშია. ამ მარილების პირის ღრუში მოხვერდის შემდეგ, იქ არსებული ბაქტერიების მიერ ხდება მათი ნიტრიტებად გარდაქმნა. ნიტრიტები იწვევს სისხლძარღვთა გაფართოებას, რაც აუმჯობესებს ორგანოების სისხლითა და ჟანგბადით მომარაგებას. ეს დადგენილ იქნა გამოცდილი მეთოდის გამოყენებით კვლევის მსვლელობაში, რომელშიც მონაწილეობდა 70 წლის 14 მოხალისე. ჭარხლის წვენის მოხმარებით მნიშვნელოვნად გაუმჯობესდა მათი თავის ტვინის სისხლის მიმოქცევა.
http://medicine.newsru.com
2010.11.04
