კბილის პასტა არამარტო იცავს პირის ღრუს მიკრობებისაგან. მასში შემავალ ანტიბაქტერიულ კომპონენტს ტრიკლოზანს შეუძლია სერიოზული საფრთხე შეუქმნას ჯანმრთელობას. ტრიკლოზანი შემუშავებული იქნა თითქმის 50 წლის წინ და დამტკიცებულია, რომ მას გააჩნია ძლიერი ანტიბაქტერიული და სოკოსსაწინააღმდეგო ეფექტი. თუმცა, როგორც The Daily Mail წერს, მომხმარებელთა უსაფრთხოების საკითხების სამეცნიერო კომიტეტი გვაფრთხილებს, რომ ტრიკლოზანს შეუძლია გამოიწვიოს ანტიბიოტიკების მიმართ რეზისტენტობის განვითარება.
ლაბორატორიულმა კვლევებმა აჩვენა, რომ ტრიკლოზანი იწვევს გენურ მუტაციებს ბაქტერიებში, რაც მათ გარდაქმნის და ანიჭებს მეტ მდგრადობას მისი მოქმედების მიმართ. მეცნიერთა მონაცემებით, ასეთი მუტაციები უკვე აღინიშნა E.coli-ის ბაქტერიების, ასევე სალმონელას და ლისტერიების მიმართ.
ამასთან ერთად, ცნობილი ფირმების კბილის პასტების მწარმოებლები ამტკიცებენ, რომ ტრიკლოზანის დადებითი ეფექტი აღემატება შესაძლო რისკს. კერძოდ, ტრიკლოზანი გვიცავს გინგივიტისაგან (ღრძილების ანთება). ”ეს მნიშვნელოვანი უპირატესობაა, ვინაიდან მრავალი მეცნიერი მიგვითითებს კავშირზე პარადონტოზსა და სისტემურ დაავადებებს შორის, ასევე გულის დაავადებებს, ინსულტსა და დიაბეტს შორის”, ამტკიცებენ კბილის პასტების მწარმოებლები.
http://Medicine.newsru.com
2010.10.15
