მიმდინარე წლის დეკემბრიდან ფრანგი ექიმები 15-დან 70-წლამდე ასაკის ქვეყნის ყველა მოქალაქეს რეკომენდაციას გაუწევენ აივ-ინფექციაზე გამოკვლევისათვის. აღნიშნული ზომები გათვალისწინებულია აივ/შიდსთან ბრძოლის ეროვნული გეგმის პროექტით, რომელიც შემუშავებულია საფრანგეთის ჯანდაცვის სამინისტროს მიერ.
ამ დრომდე ადამიანის იმუნოდეფიციტური ვირუსის ანტისხეულზე გამოკვლევა სავალდებულო წესით რეკომენდირებული იყო საფრანგეთის მხოლოდ იმ მოქალაქეებისთვის, რომლებიც მიეკუთვნებოდნენ მაღალი რისკის ჯგუფს ამ ინფექციის მიხედვით. ჯანდაცვის სამინისტროს აზრით, ეს ნამდვილად არ აღმოჩნდა საკმარისი, რადგან ქვეყანაში აივ/შიდსის გავრცელების ტემპი კვლევ მაღალი რჩებოდა.
ყოველწლიურად საფრანგეთში აივ-ინფექციის 6-დან 7-ათასამდე ახალი შემთხვევა ვლინდება. ამის გარდა, ფრანგი ეპიდემიოლოგების შეფასებით, დაახლოებით 50 000 ფრანგი აივ-ინფექციის მატარებელია და არ იცის ამის შესახებ.
მოზრდილი მოსახლეობის მთლიანი გამოკვლევის გარდა, სამინისტროს გეგმა ითვალისწინებს ქვეყანაში სამედიცინო ცენტრების ქსელის შექმნას, რომელიც ორიენტირებული იქნება აივ/ინფექციის პროფილაქტიკასა და გამოვლენაზე ყველა უფრო მოწყვლად ეთნიკურ ჯგუფებში – უპირველესად, საფრანგეთის ზღვისპირა ტერიტორიების მოსახლეობაში.
საფრანგეთის ჯანდაცვის სამინისტროს ვარაუდით, აღნიშნული ზომები ორჯერ შეამცირებს აივ-ინფექციის ახალი შემთხვევების რიცხვს და ასევე, 20%-ით შეამცირებს აივ/შიდსით სიკვდილიანობას. სახელმწიფოს ახალი პროგრამის ფინანსირება შეადგენს დაახლოებით მილიარდ დოლარს ხუთი წლის მანძილზე.
http://medportal.ru
2010.10.07
