ისრაელმა მეცნიერებმა ებრაული უნივერსიტეტიდან პროფესორების აბრამ ლოიტერისა და ასაფ ფრიდლერის ხელმძღვანელობით რევოლუციური აღმოჩენა მოახდინეს შიდსის წინააღმდეგ ბრძოლაში. იმის ნაცვლად, რომ ეძებნათ მისი დათრგუნვის საშუალებები, მეცნიერებმა, პირიქით, მოახდინეს ვირუსის ზრდის სტიმულირება. შედეგი: უჯრედი, რომელიც უნდა გამხდარიყო ვირუსის გამომზრდელი, გადაიქცა მის სასაფლაოდ და მასთან ერთად დაიღუპა.
როგორც აბრამ ლოიტერმა განაცხადა, მათი მეთოდი ჩავარდნების გარეშე მუშაობს. მან კოლეგებთან ერთად აღმოაჩინა მეთოდი, რომელიც საშუალებას იძლევა, მოხდეს ვირუსის ინპლანტაცია უჯრედის დნმ-ში. შედარებისათვის: ჩვეულებრივ პირობებში ვირუსი ახდენს თავისი 2-3 ასლის ჩანერგვას დაზიანებული უჯრედის დნმ-ში. ისრაელმა მეცნიერებმა აიძულეს ვირუსს, გაეკეთებინა 15 მსგავსი ასლი. ასლების ასეთი რაოდენობა იწვევს აპოპტოზის მექანიზმის ჩართვას - უჯრედის სიკვდილს. ამასთან, პრეპარატი ჯანმრთელი უჯრედებისათვის უსაფრთხოა.
მოცემული საშუალება დიამეტრალურად ეწინააღმდეგება დღეისათვის არსებულ ყველა საშუალებას, რომლებიც ანელებენ ვირუსის განვითარებას. უახლოეს მომავალში მეცნიერები გეგმავენ მეთოდიკის გამოცდას მღრღნელებზე. ჯერჯერობით კი მკვლევარები ელოდებიან გრანტს ან დოტაციას სრულმასშტაბიანი კვლევების დასაწყებად.
http://Medicine.newsru.com
2010.09.28
