მკვლევარებმა რეზუს-მაიმუნების აივ-ვირუსის გამანადგურებელი პროტეინის - TRIM5α-ას მთავარი კომპონენტების იდენტრიფიკაცია მოახდინეს, რაც ადამიანებში აივ-ინფექციის საწინააღმდეგო ახალი, TRIM5α-ზე დამყარებული მკურნალობის შემუშავების საფუძველი შეიძლება გახდეს, აღნიშნავს კვლევის ხელმძღვანელი ედუარდ მ.კამპბელი.
2004 წელს ჩატარებული სხვა კვლევით გამოვლინდა, რომ TRIM5α რეზუს-მაიმუნებს აივ-ინფექციისგან იცავს. TRIM5α ჯერ უკავშირდება აივ-ვირუსს, ხოლო შემდეგ ხდება სხვა TRIM5α პროტეინების მობილიზაცია და ვირუსის განადგურება.
ადამიანებსაც აქვთ TRIM5α პროტეინი, რომელსაც აღენიშნება პროტექტორული თვისებები მხოლოდ ზოგიერთი ვირუსის მიმართ და არა აივ-ვირუსის წინააღმდეგ.
მკვლევარებს იმედი აქვთ, რომ მოახერხებენ ადამიანის TRIM5α პროტეინის გარდაქმნას ეფექტურ თერაპევტულ აგენტად, მაგრამ ჯერ აუცილებელია TRIM5α-ის იმ კომპონენტების იდენტიფიკაცია, რომელიც იწვევს ვირუსის განადგურებას.
TRIM5α შედგება 500 ამინომჟავისაგან. მკვლევარებმა მოახდინეს 6 ამინომჟავას იდენტიფიკაცია, რომელიც მნიშვნელოვანია პროტეინის მიერ აივ-ვირუსის ინჰიბირებისათვის. პროტეინში ამ ამინომჟავების ჩანაცვლების შედეგად, TRIM5α-ამ დაკარგა აივ-ინფექციის ბლოკირების უნარი. (კვლევა ჩატარდა უჯრედოვან კულტურაზე).
მკვლევარებს იმედი აქვთ, რომ ამოიცნობენ ამინომჟავას ან მათ კომბინაციას, რომელიც TRIM5α-ის მიერ აივ-ვირუსის განადგურებაზეა პასუხისმგებელი. მხოლოდ ამის შედეგ გახდება შესაძლებელი გენური ინჟინერიის საფუძველზე TRIM5α გახადონ უფრო ეფექტური ადამიანებისტვის. გარდა ამისა, მოქმედების მექანიზმის უკეთესი გაგება ხელს შეუწყობს TRIM5α-ის აქტივობის მქონე მედიკამენტების შემუშავებას.
http://www.elements4health.com
2010.08.26
