გოტებორგის სალგრენის აკადემიის მეცნიერთა განცხადებით, ზურგის ტვინი წარმოადგენს “თავშესაფარს” ადამიანის იმუნოდეფიციტური ვირუსისათვის (აივ-ვირუსი).
შვედი მედიკოსები სწავლობდნენ აივ-ინფიცირებულების ზურგის ტვინის სითხეს. ყოველი მათგანი რამდენიმე წლის განმავლობაში იტარებდა მედიკამენტოზურ მკურნალობას. ინფიცირებულთა ნაწილს ვირუსის კვალი აღმოაჩნდა არა სისხლში, არამედ ზურგის ტვინის სითხეში, რის გამოც ექსპერტები ფიქრობენ, რომ აივ-ვირუსი “იმალება” ადამიანის ზურგის ტვინში.
დოქტორი არვიდ ედენის თქმით, ზურგის ტვინი წარმოადგენს თავისებურ რეზერვუარს ინფექციისთვის, რის გამოც არ ხდება ვირუსის სრული გაქრობა რეპლიკაციის დამთრგუნველი ანტირეტროვირალური პრეპარატების გამოყენების მიუხედავად.
ზურგის ტვინი ორგანოა, რომელიც შემოფარგლულია დამცავი ბარიერით, რაც ართულებს მკურნალობას და გავლენას ახდენს მედიკამენტების შიგნით მოხვედრაზე.
მედიკოსები თვლიან, რომ ზურგის ტვინი სწორედ ის ადგილია, სადაც პრეპარატები ვერ ახდენენ ვირუსზე ზეგავლენას. დოქტორი არვიდ ედენი აღნიშნავს, რომ სწორედ ამის გათვალისწინებით უნდა მოხდეს მკურნალობის ახალი მეთოდებისა და მედიკამენტების შემუშავება აივ-ინფექციის წინააღმდეგ ეფექტური ბრძოლისთვის.
http://Ami-tass.ru
2010.07.15
