ჩინელი მეცნიერები დარწმუნებულები არიან, რომ ნიგოზი აუმჯობესებს მახსოვრობას და ააქტიურებს თავის ტვინის მუშაობას.
აღმოსავლეთ ქვეყნებში ოდითგანვე თვლიდნენ, რომ ნიგოზი გავდა რა
თავის ტვინს, შესაბამისად, დადებით გავლენას ახდენდა ადამიანის გონებრივი შესაძლებლობების განვითარებაზე. მოქმედებდა პრინციპი: მსგავსი იკურნება მსგავსით. ამასთან ერთად, არსებობს ისტორიული მტკიცებულებები იმასთან დაკავშირებით, რომ ბრძენთა საკვები რაციონი შეიცავდა ნიგოზს მახსოვრობის გაუმჯობესებისა და თავის ტვინის მუშაობის გააქტიურებისათვის.
სამეცნიერო კვლევებმა აჩვენა, რომ ნიგოზში არის ბევრი ისეთი ელემენტი, რომელიც ნამდვილად აუმჯობესებს სისხლის მიმოქცევას და ხელს უშლის თავის ტვინის დაბერებას. ნიგვზის 70% დიდი ენერგეტიკული ღირებულებების მატარებელი ლიპიდებია, იგი ასევე შეიცავს უჯერ ცხიმოვან მჟავეებს, ლინოლისა და ლინოლენის მჟავას ჩათვლით, რომლებიც ხელს უწყობენ მახსოვრობის გაუმჯობესებასა და ადამიანის დღეგრძელობას.
აღნიშნული მჟავები ამცირებს სისხლში ქოლესტერინის შემცველობას, აუმჯობესებს სისხლძაღვთა ელასტიურობას და წმენდს სისხლს, რაც ეწინააღმდეგება ათეროსკლეროზული ცვლილებების განვითარებას და ხელს უწყობს თავის ტვინისა და გულის ნორმალური ფუნქციონირების შენარჩუნებას.
ნიგოზი ასევე შეიცავს В1 და В2 ვიტამინებს, რომლებიც პასუხს აგებენ ორგანიზმის ენერგიით უზრუნველყოფაზე, А, Е და F ვიტამინებს და ძალზედ მნიშვნელოვანი ღირებულებების მქონე მცენარეულ ცილებს.
ექიმები გვირჩევენ ნიგვზის რეგულარულად გამოყენებას.
http://medicine.newsru.com
2010.07.08
