ყოველწლიურად დაახლოებით 40 000 ბრიტანელი იღუპება სწრაფი კვებისა და სხვა არაჯანსაღი საკვების გამოყენების გამო. ასეთი მონაცემები გამოაქვეყნა დიდი ბრიტანეთის ჯანმრთელობისა და სამედიცინო მომსახურების ხარისხის ეროვნულმა ინსტიტუტმა (NICE).
NICE-ის ინფორმაციით, გულ-სისხლძარღვთა სისტემის დაავადებები დიდი ბრიტანეთის მოსახლეობის სიკვდილიანობის წამყვანი მიზეზია. ყოველწლიურად ამ დაავადებებით იღუპება დაახლოებით 150 000 ბრიტანელი. NICE-ის ექსპერტები თვლიან, რომ სიკვდილიანობის აღნიშნული რაოდენობიდან დაახლოებით 40 000-ის აღკვეთა შესაძლებელია ბრიტანელების მიერ მოხმარებული საკვების ხარისხის გაუმჯობესებით.
ამასთან დაკავშირებით, სპეციალისტები რეკომენდაციას უწევენ საკვებ პროდუქტებში მარილისა და ნაჯერი მჟავების რაოდენობის შემცირებას, ასევე, ე.წ. ტრანს-ცხიმების (ცხიმები, რომლებიც შეიცავენ ცხიმოვანი მჟავების ტრანს-იზომერებს) აკრძალვას. რეკომენდაციების თანახმად, აუცილებელია მარილის ნაკლები შემცველობის მქონე პროდუქტებზე ფასის შემცირება, მათ შორის, სუბსიდირების ხარჯზე.
გარდა ამისა, NICE -ის ექსპერტები საჭიროდ თვლიან საკვები პროდუქტების მარკირებას წითელი, ყვითელი ან მწვანე ფერით მათში მავნე ნივთიერებების შემცველობის დონის შესაბამისად.
http://medportal.ru
2010.06.24
