ასეთ დასკვნამდე მივიდნენ ჰოლანდიელი მეცნიერები ჯანმრთელობისა და გარემოს დაცვის ნაციონალური ინსტიტუტიდან (RIVM) მათ მიერ ქვეყნის სხვა წამყვან სამედიცინო ცენტრებთან ერთად ჩატარებული ხანგრძლივი კვლევის შედეგების საფუძველზე.
კვლევის ობიექტი გახდა ნიდერლანდებში მცხოვრები 35 ათასი მოზრდილი ადამიანი. როგორც მეცნიერებმა დაასკვნეს, ”ალკოჰოლის ზომიერი მოხმარება - არაუმეტეს ორი პორციისა დღეში, შეიძლება გახდეს ჯანსაღი ცხოვრების წესის ნაწილი, რომელიც შესაძლებლობას მისცემს ადამიანებს, თავიდან აიცილონ ტიპი 2 შაქრიანი დიაბეტი, რომელიც ძირითადად მოზრდილ ასაკში ვითარდება.
ამასთან ქალები, მამაკაცებისაგან განსხვავებით, უმჯობესია, ალკოჰოლის მხოლოდ ერთი პორციით შემოიფარგლონ, აზუსტებენ ჰოლანდიელი მეცნიერები.
ერთი პორცია ალკოჰოლი - ეს არის ერთი ბოკალი ღვინო, ერთი ჭიქა ლუდი ან ერთი სირჩა მაგარი სასმელი (არაყი). ძირითადი რეკომენდაცია ტიპი 2 შაქრიანი დიაბეტის თავიდან ასაცილებლად კვლავ რჩება უცვლელი: ეს არის სპორტი, და მთლიანობაში, მეტი ფიზიკური აქტივობა, ასევე თამბაქოსაგან თავშეკავება და ბალანსირებული კვება.
http://Ami-tass.ru
2010.06.08
